भविष्याची गुरुकिल्ली

पत्रिका जुळवतांना मंगळाचा विचार ...!

2011-05-28T22:16:00.003+05:30

आजकाल लग्न सराई जोरात सुरु आहे.त्यामुळे पत्रिका जुळवतांना अनेक मुला मुलींचे पालक पहिल्यांदा मंगळावर भर देऊन विचारतात
अन काही पत्रिका पहाणारे मंडळी मंगळाच्या नावाने धाकवतात. अमुक मुलीच्या पत्रिकेत कडक मंगळ आहे...!
बहुदा अनेक जण कुंडल्या घेऊन आमच्या कडे येतात अन सांगतात अमुक अमुक व्यक्तीने अमुक/मुला/मुलीच्या पत्रिकेत कडक मंगळ आहे असे सांगितले आहे...कडक मंगळाचा जास्तीच ते धाक दाखवतात.
आपण या विषयावर चर्चा करणार आहोत. लग्न कुंडली मध्ये जर मंगळ पहिल्या, चौथ्या,सातव्या, आठव्या आणि बाराव्या स्थानामध्ये असला म्हणजे त्या कुंडलीला मंगळाची कुंडली म्हणतात.
सोबत दाखवलेली कुंडली मध्ये मंगळाची स्थीती दाखवलेली आहे.
परंतु वरील पाच स्थानांमध्ये मंगळ जर स्वराशीचा म्हणजे मेष,वॄश्चिक,
राशीचा आणि उच्च राशीचा म्हणजे मकर राशीचा असेल तर मंगळ दोष मानण्याची काही एक गरज नाही.कारण असा मंगळ नुकसान करणार नाही.परंतु वरील स्थाना मध्ये मंगळ असुन त्यावर जर अशुभ ग्रहाची दॄष्टी असेल तर मंगळदोष मानण्यास काही हरकत नसावी.
उदा. वरील स्थानातील मंगळावर शनिची दॄष्टी असेल तर ...!
तसेच वरील पाच स्थानात जल राशीत म्हणजे कर्क,वॄश्चिक,मीन, या राशीत असेल तर मंगळ दोष मानु नये.कारण मंगळ अग्नी तत्वाचा
ग्रह आहे.तो जल तत्वाच्या वरील राशीमध्ये सौम्य होतो.
तसेच वरील पाच स्थानात मंगळ असुन तो जर ६,८,१२ या अशुभ स्थानाचा मालक असेल तर मंगळ दोष मानणे योग्य होईल.
तसेच कॄष्णमुर्ती पद्धती प्रमाणे मुलीच्या लग्नाचा उपनक्षत्रस्वामी मंगळ असुन तो जर मीन राशीत असेल व हर्षलच्या युतीत तर अशा मुलीशी विवाह करणे योग्य नसते.आमच्या अनुभवा प्रमाणे ७ आणि ८ स्थानातील दुषित मंगळ जास्त धोकादायक असतो.

भारत आणि श्रीलंका वर्ल्ड-कप फ़ायनल मँच मध्ये कोणाची सरशी होईल?

2011-05-24T10:26:00.000+05:30

भारत आणि श्रीलंका वर्ल्ड-कप फ़ायनल मँच मध्ये कोणाची सरशी होईल असा प्रश्न एका क्रिकेट रसिक जातकाने मला विचारला होता.
या प्रश्नासाठी मला २६२ नंबर जातकाने दिला होता. त्याची प्रश्न नवमांश कुडंली खालील प्रमाणे आहे.
मी प्रथम प्रश्न नवमांश कुडंलीचे पहिले घर खालील प्रमाणे काढले.
२६२ ला १२भागुन आलेली बाकी १० आली या प्रमाणे प्रश्न नवमांश कुडंली मांडलेली आहे.
मी या प्रश्ना साठी खालील प्रमाणे नियमलावला:
जर प्रश्न नवमांश कुंडलीचा षष्ठेश जर प्रश्न कुंडली मध्ये ६ आणि ११ या स्थानाचा कार्येश असेल व तसेच प्रश्न नवमांश कुंडलीचा ११ व्या
स्थानाचा मालक जर प्रश्न कुंडली मध्ये ६ किंवा ११ व्या स्थानाचा कार्येश असेल तर प्रतिस्पर्धी संघावर मात करुन (भारताला) यश प्राप्त होईल हे ऊघड होते.
तसेच या नियमानुसार प्रश्न नवमांश कुंडलीचा षष्ठेश बुध असुन तो
तत्कालिन प्रश्न नवमांश कुंडलीचा षष्ठ स्थानाचा मालक बुध असुन तो प्रश्न कुंडलीमध्ये षष्ठ स्थानात असुन तो ११ व्या स्थानाचा मालक आहे. व तसेच प्रश्न नवमांश कुंडलीचा लाभेश मंगळ असुन तो शनिच्या नक्षत्रात आहे व हा शनि प्रश्न कुंडली मध्ये लाभ स्थानात आहे.
(ज्यावेळेला दोन पेक्षा जास्त ग्रह वक्री असतात त्यावेळेस वक्री ग्रहांचा नियम लागू होत नाही.)
वरील नियमाची पुर्ती होऊन त्यामुळे मी पटकन त्या क्रिकेट रसिक जातकाला सांगितले की भारताचा विजय होईल हे भाकीत मी ३१/३/११ ला त्याला सांगितले त्यानुसार २/४/११ ला भारत श्रीलंका वर्ल्ड-कप फ़ायनल मँच खेळली गेली आणि शेवटी भारताच्या पारड्यात विजश्री पडली. या अगोदर सेमी फ़ायनलचे मँच मध्ये भारत विरुध्द पाकिस्थान यात कोण फ़ायनला जाईल हे सुध्दा त्यावेळी मांडलेल्या प्रश्न नवमांश कुंडलीवरुन सांगितले होते. ती कुंडली आपण केव्हा तरी पुढे बघु........!

गोचर चंद्र भ्रमण व औषधोपचार Moon Transit and Medicines

2009-01-28T21:11:00.003+05:30

१. औषध सुरु करतांना गोचर चंद्र मीन व कर्क राशीत असणे ऊत्तम.
२.शस्त्रक्रिया ह्या अमावस्या व पौर्णिमा ह्या दिवशी सहसा टाळाव्यात.
३.स्थिर राशीत चंद्र (म्हणजे २,५,८,११) ह्या राशीत गोचर चंद्र असतांना औषध घेण्यास सुरुवात करु नये कारण आजार जास्त दिवस टिकतो.
४.मेष,वृषभ,मकर या राशीत गोचर चंद्र असतांना प्रथम औषध घेण्यास सुरुवात केल्यास ते औषध पचणार नाही म्हणजे ओकणे, मळमळणे वाढेल.
५रेचक (जुलाबाचे)औषध घेतांना गोचर चंद्र व तत्काळ लग्नाचा स्वामी अनुदित गोलार्धात असावा व मळमळीचे औषध घेतांना चंद्र व लग्नेश ऊदित भागात असावेत.
६.रक्त काढणे किंवा रेचक औषध घेतांना गोचर चंद्र हा जलराशीत (कर्क,मीन) असणे ऊत्तम.
७.गोचर चंद्र पृथ्वी राशीत (२,६,१०) या राशीत असतांना डोळ्यावर ईलाज करु नये किंवा गोचर चंद्र रविच्या अशुभ योगात असतांना ईलाज करु नये. चंद्र पुर्ण बलि (पंचमी ते पौर्णिमा) शुध्द पक्षातील असावा व गोचर चंद्र रवि ,शनि,मंगळाच्या अशुभ दृष्टीत नसावा.

भारतीय प्रजासत्ताक चिरायू होवो.....

2009-01-26T09:25:00.001+05:30

भारतीय प्रजासत्ताक चिरायू होवो.....
आमच्या सर्व भारतीय नागरिकांना हार्दिक शुभेच्छा...

राहू-केतू मधील बाधीत कुंडली.

2009-01-17T20:57:00.004+05:30

जातकाचा जन्म आराखडा.

निरयन स्पष्ट ग्रह.

चंद्र कुंडली आणि स्पष्ट निरयन भावचलित कुंडली

महादशा कोष्टक: चालू महादशा राहूची आहे.

.................
राहू-केतू मधील बाधीत कुंडली. Horoscopes Affected by Rahu and ketu(Dragon`s
Head and Dragon`s tail)
काही दिवसांपूर्वी माझ्या कडे एक जातक कुंडली घेऊन आले होते त्यावेळी त्यांनी मोघमपणे मला म्हटले की माझ्या नातवाची कुंडली पहा. तेव्हा मला त्याच्या स्पष्ट लग्नकुंडलीत चंद्र हा केतूने बाधीत झालेला दिसला.धनु लग्नाची कुंडली होती.त्याचप्रमाणे रवी-केतूची युती जन्मकुंडलीत दिसुन आली. वरील असे योग जर जन्मकुंडलीत दिसुन आले तर ती व्यक्ती बाधीत आहे असे समजावे तसेच त्या जातकाच्या जन्मकुंडलीत राहूची महादशा चालू आहे.अशा परिस्थितीत डाँक्टरी ऊपाय ,मनोवैज्ञानिक ऊपाय लागू पडत नाही असे त्यांना सांगितले.ती व्यक्ती नंतर मला सांगू लागली की माझा नातू हा कधी कधी विचित्र वागतो त्यावेळी आम्ही सुध्दा त्याच्याकडे पाहुन घाबरतो.तो सध्याला शिकत नाही तसेच त्यांनी एका अध्यात्मिक गुरुंना ह्या नातवा बद्दल सांगितले असता त्यांनी फ़क्त एवढेच उदगार काढले की तुमच्या नातूची बाब ही गुढ आणि गंभीर आहे.अभ्यासू वाचकांना आम्ही त्या जातकाची जन्मकुंडली देत आहोत.

अर्ध्यावरती डाव मोडला....?(Break in marriage proposal)

2009-01-14T21:55:00.003+05:30

लग्न म्हणजे दोन जीवांचे मिलन ....असे म्हणतात की लग्नाच्या गाठी ह्या स्वर्गात बांधल्या जातात..परंतु आजच्या कलियुगात मानवी स्वभाव पारखणे हे अशक्य आहे. मन हे जसे उत्तम गुलाम आहे तितकेच भयंकर मालक आहे हे लक्षात घ्यावे. लग्नामुळे दोन जीव एकत्र येतात तसेच मानवी संबधांचे नाती-गोती ही त्याबरोबर वृध्दिंगत होतात.दोन व्याही..मुलाची आई..भावी वधूची सासू होते तर मुलीचे वडील हे मुलाचे सासरे होतात..असे अजून आणिक नाते याबरोबर बहरतात.. त्यामुळे लग्न सोहळा एक सामाजिक संस्कार म्हणुनच ओळखला जातो. राष्ट्र कल्याणाबरोबर एक राष्ट्राची प्रगती आणि कल्याण हे तेथील नागरिकांच्या रुढी -पंरपरा यांच्यांतील परस्पर नाते संबधातून दृढ होऊन सामाजिक व्यवस्थेच्या माध्यमाला बळकटी येते एका अर्थी लग्नामुळे अनेक सामाजिक संदर्भ आणि साखळ्या एकत्र येतात हे लक्षात घ्या पण मानवी मन हे जर संकुचित प्रवृत्तींच्या चौकटीत अडकल्यास व्यक्तिगत दुराव्यांनी सांधलेली मन ही पुन्हा दुभंगली जाऊन परस्पर भांडण होऊन माणस दुरावतात एका अर्थी राष्ट्राचे किती नुकसान होते ? कोर्ट कचे-या ,वेळ,श्रम,पैसा ह्या गोष्टीं आल्याच...ना...!
थोडक्यात पंरपरेतुन संस्कृति निर्माण होऊन केवळ दोन मन एकत्र येणे व लग्न म्हणजे मुलबाळ एवढेच विश्व मर्यादित न राहता आपल्या ऋषी-मुनींनी या मागे किती गहन विचार केलेला आहे .
कुणाच्याही भावनांचा आदर करणे ही आपली संस्कृति आहे तसेच त्या भावना टिकविणे ही प्रकृति आहे.मानवी मुल्ये ही समाज व्यवस्थेच्या कल्याणासाठीच निर्माण झाली आहेत ते जर रुजलीच नाहीत तर मानवी समाजाचा चेहरा विदृप होईल. समाज मुल्ये मातीमोल होतील.हे सांगण्या मागचा हेतू हाच की मनुष्य जगतो ते केवळ हवा, अन्न, पाणी आणि पैसा इतक्याच गोंष्टींवर नव्हे तर त्याला संस्कृतिने घालुन दिलेल्या सामाजिक जीवनाच्या विविध पैलूंवर त्याचे बौध्दिक पुष्टीकरण होणे तेवढे गरजेचे ठरेल नाही तर एखादा व्यसनाधीन माणुस आणि संस्कारक्षम व्यक्ति जर एकत्र आले तर त्याच्यांतल्या नैसर्गिक गुणांचे मुल्यमापन अगदी कुणीही सहज करु लागते. प्राणी पण या पृथ्वीवर सहजीवनाने जगतात पण मानव आणि प्राणी यातला फ़रक हा केवळ त्याच्यांतल्या बौध्दिकतेच्या कसोटीवरला आहे. तरी सुध्दा आपण पेपरात वाचतो की एखाद्या माणसाने क्रॄर व हिस्त्रं पशूंपणे एखाद्याचा खून केला असे का होते? याचे उत्तर मानवी स्वभावातले कंगोंरे कुणीच ओळखू शकत नाही म्हणुनच प्राचीन सांकृतिक म्हण आपल्या येथे बहुश्रुत आहे दुर्जंनम प्रथमम वंदे..सज्जनम तदनंतरम...!
खरा विषय येथे हाच की आज बरेच जण कुडंल्या बघतात ...तर काही जण कुडंल्या का बघ्याव्यात? ...चक्क असे म्हणतात ..कुडंल्या जुळवणे हा शुध्द अडाणीपणा आहे असे ही काही जण म्हणतात. विरोध करणारे आज बरेच आहेत ..शिवाय राहू-केतू या छाया ग्रहांना कुडंलीतुन हद्दपार करा असे ही काही जण म्हणतात..या मंडळीनां राहू-केतूच्या तीव्र शक्तीच्या चुंबकिय क्षेत्रातून फ़िरवून आणावे हे काल्पनिक बिंदू आहेत पण त्यांचे अदृश्य चुंबकिय क्षेत्र तीव्र आहेत .थोडक्यात त्याचे दृश्य परीणाम आपल्या ऋषीमूनीनीं अनुभवलेले आहेत.
आमच्या कडे एक जातक आला होता त्याने मला प्रश्न केला की आमच्या घरात लग्न ठरलेले आहे पण...???हा पण ऎकल्यावर मला अधिक जाणून घ्यावेसे वाटले, की पण मध्ये बरेच काही प्रश्न आहेत..असो..!तो जातक मला म्हणाला की आमच्या येथे माझ्या स्नेह्याचे नारळपान(हा एक लग्न ठरविण्याचा विधी असतो ) होऊन काही दिवस झाले आहेत पण ते लग्न यशस्वीरित्या पार पडेल का ? याविषयी आम्हाला शांशकता आहे ..शिवाय त्या भावी वराच्या मनात आमच्या (म्हणजे जातकाच्या) बद्दल काही शंका आहेत आणि त्या कुणी तरी मनात भरवल्या प्रमाणे आहेत त्यामुळे भावी वर(मुलगा) हा लग्नास तयार होत नव्हता तसेच तो अनेक खुसपट काढून त्रास देत होता लग्न होण्याआधीच जर मानसिक गैर समजुती निर्माण होत असतील तर भविष्यात वधूचे भावी वैवाहिक जीवन हे सूखी तरी होईल का?
थोडक्यात आम्ही लग्नाचे पुढील सोपस्कार आटोपावे का? असा प्रश्न त्या जातकाने फ़ार गोंधळ पुर्व परीस्थितीतुन माझ्या पुढे मांडला.. ती तारीख होती १२/०१/२००९ प्रश्नवेळ :११:४१:१५(सकाळी) व त्या भावी वधूने सांगितलेला के.पी.नंबर होता ११५त्याप्रमाणे मी प्रश्न कुंडली माडंली .

प्रश्न कुंडलीत चंद्र हा जातकाने प्रश्न मनापासुन विचारला आहे की नाही ते दर्शवितो येथे चंद्र हा लाभेश आहे त्यामुळे जातकाने प्रश्न मनापासुन व वैवाहिक जीवना विषयीच विचारला आहे असे दर्शवितो .
आता पुजनीय गुरुवर्य प्रो.कृष्णमुर्तीजींच्या सिध्दांता नुसार जर सप्तमाचा उप -नक्षत्र स्वामी हा वक्री ग्रहाच्या नक्षत्रात किंवा उप -नक्षत्रात असेल तर नियोजित विवाह हा होत नाही.या ठीकाणी सप्तमाचा उप -नक्षत्र स्वामी हा राहू असून तो शनिच्या उपनक्षत्रात आहे आणि सध्या शनि महाराज वक्री आहेत!तेव्हा मी स्पष्ट पणे सांगितले की हा विवाह होणार नाही त्याच प्रमाणे लाभाचा उप -नक्षत्र स्वामी हा राहू आहे म्हणुन आमच्या म्हणण्याला बळाकटीच आली. तृतीयाचा उप -नक्षत्र स्वामी राहू हा सप्तमाशी कनेक्टेड आहे त्यामुळे आम्ही सांगितलेले भविष्य खरे आहे याची खात्री पटली. सप्तमाचा उप -नक्षत्र स्वामी हा जर नेपच्य़ूनशी संबधीत असेल तर अशा लग्नात प्रश्नकर्त्या जातकाची फ़सवणूक होते याची सुध्दा आमच्या अभ्यासू व्यासंगी वाचकांनी अनुभुती घ्यावी.सप्तमाचा उप -नक्षत्र स्वामी हा जर तृतीयाचा कार्येश असेल तर गुप्तशत्रु लग्नात बाधा आणतात(They stop the marriage) या कुंडलीत सप्तमाचा उप -नक्षत्र स्वामी हा राहू असुन तो चंद्राच्या नक्षत्रात आहे व तृतीयेश मंगळाच्या दॄष्टीत आहे यामुळे वरील नियमांची पुर्तता झालेली आहे.
थोडक्यात पुजनीय गुरुवर्य प्रो.कृष्णमुर्तीजींनीं ज्योतिष्यांच्या हातात केवढा मोठा निर्णयाचा हा विनामुल्य सुकाणूच दिला आहे.आज जर पुजनीय गुरुवर्य प्रो.कृष्णमुर्तीजींनीं ज्योतिषांना हे ज्ञान जर दिले नसते तर बरचशे ज्योतिषी ह्या ज्ञानाला मुकले असते परंतु गुरुजींना हे ज्ञान कडी-कुलुपात ठेवायचे नव्हते..या मागे त्यांनी स्वतःचा फ़ायदा न पाहता अखिल मानवीसमाज कल्याणाचे केवळ हितच जोपासले.

"भविष्याची गुरुकिल्ली"ब्लाँगला अभूतपुर्व असा प्रतिसाद वाचकांनी भरभरुन दिल्याबद्दल आम्ही आपले आभारी आहोत

2009-01-14T10:42:00.007+05:30

*
**
***
****
तिळा तिळा दार उघड...!
आमच आतल मन उघड...!
गुळाचा गोडवा येवो..!!!
आमच्या लाडवा!!
"तिळ गुळ घ्या गोड गोड बोला"

आमच्या असंख्य जातक वर्गाला व मनापासुन शुभेच्छांचा सदैव वर्षाव करत असलेल्या अभ्यासू वाचक वर्गाला आमच्या संक्रातीं निमित्त शुभेच्छा...असाच लोभ ठेवावा..
आमच्या या मराठी ,"भविष्याची गुरुकिल्ली" या मराठीतून प्रसिध्द पावलेल्या व भविष्य शिकविणा-या एकमेव अशा मराठी ब्लाँगला अभुतपुर्व असा प्रतिसाद वाचकांनी भरभरुन दिल्याबद्दल आम्ही आपले आभारी आहोत "भविष्याची गुरुकिल्ली" ह्या मराठी साईट्ला भेट देणा-यांची संख्या अल्पावधीतच दहा हजार झाली ,हे शिखर क्रिकेटच्या धावसंख्ये इतकेच महत्वपुर्ण आहे.

माझ्या लेखाला ऊद्याला प्रसिद्धि मिळेल काय?

2009-01-11T19:33:00.008+05:30

परवा सायंकाळी एक गृहस्थ माझ्याकडे आले त्यांनी जणू भविष्याची परीक्षाच घेण्याचे ठरवले , त्या उद्देशाने त्यांनी प्रश्न केला की ...पाटील साहेब
आपण मला एक सांगाल का?
मी त्यांना म्हटले जरुर...!
आपण मला प्रश्न करा ....!
ते गृहस्थ मला ‘म्हटले मी कालच एका वृत्त पत्राच्या कार्यालयात एक लेख देउन आलोय..’
तर मग ...? मी म्हटले...हं
त्यावर ते गृहस्थ म्हटले हो ..मला एक विचारायचे आहे की माझ्या या लेखाला ऊद्याला प्रसिद्धि मिळेल काय? कारण वृत्तपत्र हल्ली तर ब-याच लिखाणाला कचरा पेटी दाखवतात..माझे लिखाण हे ज्ञान देणारे आहे, त्यामुळे माझी आतुन ही धडपड आहे की, तो लेख ऊद्याला जर प्रसिध्द झाला तर फ़ारच बरे होईल..पण एक असेही वाटते की निदान दिलेले लेखन म्हणजे ...माझा लेख वृत्तपत्रात छापून तरी येईल का ?
मी त्यावेळेची प्रश्न कुंडली मांडली (त्यादिवशी तारीख होती ३१/१२/२००८ रात्री ०८:०१:२८ )तर त्याच्या मध्ये असे आढळुन आले की तृतीयाचा सब-लार्ड गुरु असुन तो रविच्या नक्षत्रात आहे आणि रवी लाभ स्थानात आहे त्यामुळे मी त्यांना सांगितले की ऊद्या तुमचे लिखाण नक्कीच प्रसिद्ध होईल..! तसेच लाभाचा उ-नक्षत्रस्वामी बुध असुन तो सुध्दा रवीच्या नक्षत्रात आहे व रवी हा ईच्छापूर्ती करणा-या लाभ स्थानाचा कार्येश आहे. तृतीय स्थाना वरुन लिखाण पाहतात.नियम असा आहे की तृतीयाचा उप-नक्षत्र स्वामी ही लाभाचा कार्येश असावा लागतो व तो वक्री ग्रहाच्या नक्षत्रात नसावा म्हणजे लिखाण प्रसिध्द होते. कुठल्याही ईच्छापूर्ती साठी लाभस्थानाचा उप-नक्षत्र स्वामी पाहतात व तो लाभाचा किंवा प्रथम स्थानाचा कार्येश असावा लागतो व तो वक्री ग्रहाच्या नक्षत्रात नसावा या नियमांची पूर्तता वरील प्रश्न कुंडली दर्शवीत आहे.त्यामुळे त्यांच्या लिखाणाला जरुर प्रसिध्दि मिळेल असे मी सांगताच त्यांना फ़ार आनंद युक्त आश्चर्याचा धक्काच बसला..दुस-या दिवशी अगदी पहाटेच त्यांनी मला फ़ोन वर कळवले आपण जे सांगितले ते अगदी तंतोतंत बरोबर निघाले त्याबद्दल आपल्या ज्योतिषशास्त्राचा व आपला शतशः आभारी आहे.. ज्योतिष्य एक शास्त्र आहे हे मला अगदी कळून चुकले.
हा संवाद ईथेच संपला पण ...!
ज्योतिषशास्त्राच्या अनुभव सिध्द नियमा नुसार तृतीयाचा उप-नक्षत्र स्वामी जर सप्तमाशी संबधीत असेल तर ज्योतिषाने वर्तवलेले भविष्य बरोबर ठरते.

खालील अनुभवास येणारे पारंपारिक ग्रहयोग .

2008-12-30T23:03:00.000+05:30

*कुंडलीतील मंगळ हर्षल युती मुळातच अपघात दर्शक आहे.असा योग २,३,४,७,८,१२ स्थानी असेल तर वैवाहिक जीवनात मोठे संकटे येतात.

* चंद्र शनि अंशात्मक प्रतियोग वैवाहिक सौख्य लाभु देत नाही.

*मंगळ नेपच्यून प्रतियोग ,केंद्रयोग ,षडाष्टक योग वैवाहिक जीवनात गंभीर व्यथा दर्शवितो.

*गुरु हर्षल हा योग संततीसुख देत नाही वा त्याबद्दल दुःख देतो.

*शनि हर्षल युति सप्तमेशाच्या अष्टमस्थानी असेल तर पतिचा तडकाफ़डकी मृत्यु होतो.

*रवि-हर्षल अशुभ योग वैवाहिक जीवनात नाट्यमय घटना घडवितात. घटस्फ़ोट,वैधव्य यांची शक्यता असते.

*सप्तमात(विशेषता: ‘मुळ’ नक्षत्राचा) आणि धनु राशीचा जर मंगळ असेल व त्याची हर्षलशी युती असेल तर विवाह वेगळ्या प्रकारे होतो.(भांडण होतात , घटस्फ़ोट ,वैद्यव्य वगैरे असे प्रकार घडतात.

सदगुरु कृपा ही किती दिव्य आणि भव्य असते

2008-12-26T20:35:00.007+05:30

सदगुरु कृपा ही किती दिव्य आणि भव्य असते
१९९३ ला आमचा हृषीकेश येथे जाण्याचा योग आला . गंगेकाठी वसलेले हृषीकेश म्हणजे पृथ्वी वरचा स्वर्ग जणूच...!आम्ही म्हणजे मी व माझा मुलगा तसेच आम्ही सहकुटूंब आणि १०० जणांचा आमचा साधक परिवार प.पू.ॐ मालती देवीं अर्थात आमच्या गुरुमाऊली यांच्या सोबत हृषीकेशला गेला होता.हृषीकेश येथे अनेक ठिकाण आम्ही पाहिलीत.लक्ष्मण झूला,शिवानंद झूला ,तसेच गंगे काठी ‘जंगली’ सिनेमाचे शूटिंग झाले तो स्पाँट पण गंगेच्या बाजूला पाहिला.
आश्रमात आम्ही ७ ते ८ दिवस होतो. प.पू. ॐ मालती देवीं ह्या हृषीकेशच्या स्वामी शिवानंदाच्या शिष्या आहेत.या गुरुभूमित पावित्र्य आहे .प.पू.ॐ मालती देवीं म्हणायच्या ही सदगुरुंची भूमि म्हणजे आम्हाला माहेरी आल्या सारखे वाटते.
प.पू.ॐ मालती देवीं यांची साधना कशी झाली? याबद्दल खूप सूदंर अनुभव आहे. १९५६ साली स्वामी शिवानंदाच्या
आश्रमात त्या दिल्लीच्या ऊन्हाळ्या पासुन लांब, निसर्गरम्य ठिकाणी सुट्या घालवण्यासाठी त्या आल्या होत्या तेव्हा स्वामी
शिवानंदाच्या आश्रमात प.पुजनीय स्वामी शिवानंदानी प.पु.ॐ मालती आईंना ‘शिवानंद योगत्रयी’हे पुस्तक दिले आणि
वाचायला सांगितले पुढे प.पु.ॐ मालती आईंनी यापुस्तकाच्या शेवटच्या पानापासुन वाचायला सुरुवात केली आणि प.पु.ॐ
मालती आईं ध्यानमार्गातल्या निर्वीकल्प समाधीत पोहोचल्यात. प.पु ॐ मालती आईंनी आपल्या साधन मार्गातल्या दिव्य अनुभवांना ‘कोणा एकाची साधन गाथा ’ यापुस्तकाच्या माध्यामातुन साधकां पर्यंत पोहोचवलेत ‘कोणा एकाची साधन गाथा ’ यापुस्तकात प.पु.ॐ मालती आईंनी एक उल्लेख केला तो म्हणजे मी ध्यानाच्या उच्च अवस्थे पर्यंत कशी पोहोचली ते केवळ माझ्या सदगुरुंनी दिलेल्या ‘शिवानंद योगत्रयी’ या पुस्तकाच्या माध्यमातून....! तेव्हा प.पु.ॐ मालतीआईं कडे येणारा प्रत्येक साधक स्वामी शिवानंद लिखित ‘शिवानंद योगत्रयी’ या पुस्तकाची मागणी करु लागला परंतु ह्या पुस्तकाच्या प्रति नंतर मात्र ऊपलब्ध होऊ शकल्या नाहीत. प्रत्येक येणारा याबाबत हे पु्स्तक कुठे मिळेल का हे पाहु लागला. मात्र असे पुस्तक आता ऊपलब्ध होऊ शकणार नाही असे ऊत्तर अनेकांना मिळाले होते.योगायोगाने आम्ही साधक स्वामी शिवानंदाच्या आश्रमाच्या पुस्तक विक्रिच्या ग्रथांलयात गेलो तेव्हा केवळ एकच प्रत इंग्रजीतली `TRIPLE YOGA' By Swami Shivananda.समोर दिसली आणि ती वाचण्याच्या ऊद्देशाने घेतली.हे पुस्तक वाचतांना पुढे तर मला असे वाटू लागले की इतक्या सुंदर इंग्रजी पुस्तकाचे मराठीत जर भाषांतर केले तर..माझे आँफ़िसचे डेली रुटीन आणि त्यानंतर सायंकाळी मी हे पुस्तक आणि नोटबुक पेन घेऊन बसु लागलो.भराभर मराठीतून भाषांतर करु लागलो किंबहुना हे पुस्तक पुर्णतः मराठीतून माझ्या कडुन भाषांतरीत झाले.आता प्रश्न होता तो प्रकाशनाचा.मग हृषीकेशच्या स्वामी चिदानंदाना पत्र लिहिले की `TRIPLE YOGA' By Swami Shivanandaया पुस्तकाच्या मराठी आवृत्तीला म्हणजे ‘शिवानंद योगत्रयी’ला परवानगी द्यावी हे पुस्तक छापायची परवानगी मिळाली.

पहाता पहाता या माझ्या भाषांतरीत पुस्तकाच्या प्रथमावृत्तीनंतर अनेक आवृत्या निघत गेल्या.ही केवळ सदगुरु कृपाच म्हणावी.
स्वामी शिवानंद यांचे नाव कुप्पूस्वामी ते मुळचे आध्रंच्या पट्टामलाई गावाचे त्यांचा जन्म १८८७ ला झाला बालवयात कुप्पूस्वामीच्या बुध्दिमत्तेची चमक दिसू लागली पुढे त्यांना वैद्दकिय शिक्षण घेतले.डाँक्टर म्हणून ते सेवेसाठी मलाया गावी
आले तेथे त्यांनी हाँस्पिस्टल मध्ये तन मन धन वाहुन सेवा केली.मुळतः विरागी वृत्ती असलेल्या स्वामीजीनां रुग्णांची सेवा
करतांना जाणवले की मानवी जीवन हे दुखाःनी भरलेले आहे .स्वामीजींचे मन शास्वत सुखाच्या शोधा साठी धडपडु लागले
त्यावेळी त्यांना एका योग्याने ‘जीव ब्रम्ह ऎक्य’ हे पुस्तक दिले.ते वाचून त्यांचे वैराग्य जागृत झाले. स्वामीजी भारतात परतले .पुढे ते यात्रा करत असतांना पंढरपुरला एका पोस्टमास्तरांकडे घरचे काम करुन राहु लागले.त्यांची सेवा स्वामी इतके करीत की पायही दाबीत.पुढे त्या पोस्टमास्तरांना विचारले आत्मसाक्षात्कार करुन घ्यायला कोणती जागा योग्य आहे तेव्हा त्या पोस्टमास्तरांनी स्वामीजींना हृषीकेशचे टिकिट काढुन दिले.स्वामीजीं त्या पोस्टमास्तरांकडे पुर्ण अज्ञानाचा बुरखा घेऊन राहिलेत.पोस्टमास्तरांनाही अज्ञानात ठेवले.त्या बिच्या-यास काय माहित की एक विद्वान डाँक्टर आपल्या घरी काम करतोय. पुढे थोड्याच दिवसात स्वामीजींनी संन्यास दिक्षा घेतली आणि ते स्वामी शिवानंद या नावाने ओळखले जाऊ लागले. सेवा .प्रेम,दान,चित्त शुध्दी ,ध्यान या पंचसूत्रीचा जगभर प्रचार केला. स्वामी शिवानंद हे हृषीकेश मध्ये साधना करत असतांना हिमालयातील साधू-संताना औषध देऊन सेवा करत. दिव्य जीवन संघाची स्थापना करुन त्यांनी ३०० च्या वर पुस्तक लिहिलेत. अशा या दिव्य जीवन जगलेल्या संत सतपुरुषाच्या कार्याला प्रणाम. त्यांनीच माझ्या सारख्याचे निमित्तमात्र माध्यम
म्हणुन(TRIPAL YOGA' By Swami Shivananda ) ‘शिवानंद योगत्रयी’च्या रुपाने एका अर्थाने मराठीतुन भाषांतर करुन घेतले असावे.सदगुरु कृपा ही किती दिव्य आणि भव्य असते याचे हे ज्वलंत ऊदाहरण आहे.मराठमोळ्या वाचकांना हे पुस्तक वाचतांना खूप आनंद होतोय हेच माझे सेवाधन आहे.
विषेश गोष्ट म्हणजे पोस्टखात्याने प.पु स्वामीजींच्या जन्मशताब्दी निमित्त त्यांच्या नावाचे अन छायाचित्र असलेले टिकिट काढले.
प.पु.स्वामी शिवानंदा( हृषीकेश) यांची कुडंली.
जन्म तारीख: ०८ सप्टेंबर १८८७ वेळ: सकाळी ०४:१६:०० LMT.

ज्योतिष्यशास्त्रातील सारासार विचारAstrological Thinking based on actual experience

2008-12-26T06:40:00.004+05:30

(पुजनीय प्रो.श्री कृष्णमुर्तीं गुरुजीं )
कुठल्याही शास्त्राला नियमांच्या मर्यादा ह्या ठरलेल्या असतात. याचा सारासार विचार ज्योतिष्य शास्त्रातही दिसुन येतो.
जन्मकुडंली नुसार भविष्य वर्तवतांना काही प्रश्नांची उत्तर देता येत नाही उदा. लाईट केव्हा येतील? कामवाली बाई आज कामाला येईल का? एखादा मित्र आपल्या घरी केव्हा येईल या सारख्या वगैरे प्रश्नाच्या उत्तरासाठी प्रोफ़ेसर कृष्णमुर्तींनी होरारी अँस्ट्रालाँजी (Krishnamurti padhdhati advanced steller system) हे पुस्तक अस्खलित ईग्रजी भाषेतुन लिहले आहे. त्यामध्ये त्यांनी प्रश्न कुडंली विषयी काही मार्गदर्शन केलेले आहे.आमच्या ज्योतिष्य मंडळातील अभ्यासू आणि नवोदित अभ्यासकांनी तसेच जुन्या जाणकारांनी एक शंका उपस्थित केली होती त्यात प्रश्नकर्त्याने जर १ ते २४९ अंका नंतर मोठे अंक सांगितले असतील उदा.३११ वगैरे वगैरे...असे प्रश्नांची उकल कशी करावी याविषयी काही दैवी मार्गदर्शन(Divine guidance) कृष्णमुर्तींनी काही केले आहे का? अशा प्रश्नांची सरबत्ती झाल्यावर एक सांगावेसे वाटते की अनुभव सिध्द कृष्णमुर्तींनी अगदी शांतपणे आणि विद्ववत्तापूर्ण असे संशोधन केलेले आहे.भारतातच नव्हे तर जगात श्रीलंका ,मलेशीया अन्य परकिय देशांमध्ये त्यांनी भाषण देउन आपली अख्खी हयात ही ज्योतिषशास्त्रासाठी तसेच संशोधनात घालवली आहे याबद्दल त्यांना आदरपुर्वक नमस्कार करतो म्हणून जगातील अनेक कृष्णमुर्तीं अनुयायी गुरुजींना अर्थात गुरुला केवळ आपण एक त्यांच्या पुढे शिष्य आहोत या नात्याने आदर पुर्वक वंदन करत आलेले आहेत याबद्दल वादच नाही.
त्यामुळे आमच्या मंडळातील या ज्ञानपिपासु ,अभ्यासू प्रश्न कर्त्याची तहान, मी नाही तर फ़क्त कृष्णमुर्तीं गुरुजींच भागवू शकतात हे यावरुन दिसून येईल.ते वाचून आपली मति खरचं गुंग होते त्याचे पारायण करावे असे ते अमृताचे अनुभवसिध्द असे ते बोल आहेत. ते खास
त्याच्यांच भाषेत (प्रोफ़ेसर कृष्णमुर्तींनी होरारी अँस्ट्रालाँजी ,पान क्र.१०५ व १०६ , fourth edition 1986 sixth reader ) ते काय म्हणत आहेत ते पहा....

दिसत नसल्यास यावर टिचकी मारावी.

दिसत नसल्यास यावर टिचकी मारावी.

वैवाहिक जीवनात सुख मिळणार का?

2008-12-21T23:55:00.005+05:30

जीवन हे गाणे आहे, कधी ते संसाराच्या दोन रथांच्या चाकां प्रमाणे असते आणि त्या चाकांना नवरा आणि बायको याची उपमा दिली जाते.एक चाक निखळले तरी तो संसार रथ तिथेच गडबडतो.माझ्या कडे एक जातक अर्थात एका तरुणाचा फ़ोन आला त्याने कुठलाही प्रश्न न विचारता सरळ माझ्या हातात कुडंली दिली.ती कुडंली मी पाहिली आणि त्वरीत म्ह्टले आपल्याला सांसारिक समस्या दिसते....!आपले आणि आपल्या पत्नीचे एकमेकांशी काही तरी मतभेद असावेत ...?
असे बोलल्यावर तो पटापट बोलू लागला...! होय माझी पत्नी ही साधारणतः ३-४ महिन्यापासून माहेरी गेली आहे ...
मग मला ह्या गोष्टी अगोदर कशा समजल्या होत्या? हे तुम्हाला जाणुन घ्याव्याशा वाटतील...कुंडलीत वैवाहिक जीवना बद्दल सप्तमाचा सब-लार्ड सर्व सांगतो.ह्या कुडंलीत सप्तमाचा सब-लार्ड मंगळ होता व तो षष्टेश असुन तो व्ययात होता त्यामुळे सहा व बारावे स्थान ही वैवाहिक जीवना मध्ये तीव्र मतभेद दाखवतात.त्याच प्रमाणे मंगळ हा रविच्या नक्षत्रात आहे व रवि हा
तीन आणि पहिल्या स्थानाचा कार्येश आहे तसेच तो शनिच्या उप-नक्षत्रात आहे व शनि हा ८,९ व २ स्थानांचा कार्येश आहे आणि अष्टमस्थान हे मतभेद दाखवते आणि शनि हा शेवटी बुधाच्या नक्षत्रात असल्यामुळे व राहू हा बुधाच्या राशीत असल्याने चतुर्थाची प्रामुख्याने फ़ळे मिळतील.तसेच नवमांश कुडंली प्रमाणे सप्तमेश हा शुक्र आहे व तो व्ययात आहे व तो चंद्राच्या नक्षत्रात असून चंद्र व्ययात आहे त्यामुळे वैवाहिक जीवनात मतभेद दिसुन येतात.
प्रामुख्याने वैवाहिक जीवनाचा कारक शुक्र असल्यामुळे आणि तो ६ आणि १२या वैवाहिक जीवनाचा विसंवादी स्थानाचा कार्येश असल्यामुळे याला वैवाहिक जीवनात सुख मिळणार नाही असे दिसते.शेवटी घटस्फ़ोटा पर्यंत प्रकरण जाऊ शकते हे यावरुन स्पष्ट होते.सप्तमाचा सब लार्ड हा मंगळ हा तॄतीयाचा कार्येश असल्यामुळे कोर्टामार्फ़त हे प्रकरण मिटेल.याला गुरुची महादशा व शुक्राची अंतर दशा चालू आहे आणि गुरु हा मंगळाच्या नक्षत्रात आहे व मंगळ हा ६ व १२ या विरोधी भावाचा कार्येश आहे.त्यामुळे महादशा ही वैवाहिक जीवनाला अनुकुल दिसत नाही. त्याला मी १ ते २४९ मधील कृष्णमुर्ती पध्दती प्रमाणे दैवी नंबर विचारला तर त्याने २५६ हा आकडा पुस्तकाच्या पानावरुन सांगितला! त्यावरुन आम्हास असे समजले की याच्या प्रश्नाचे उत्तर नकारार्थी आहे म्हणाजे वैवाहिक जीवनात सुख मिळणार नाही असे दिसते.कृष्णमुर्तीचे अनुभवाचे बोल हेच सांगतात.पण काही जण १ ते २४९ ह्या कृष्णमुर्ती पध्दतीच्या नंबराच्या बाहेरील नंबरावर (वर उदाहरणात आमच्या येथे जातकाने असाच बाहेरील नंबर सागितला २५६ होता )नवमांश कुडंलिचा वापर करतात(जे आम्हाला व गुरुजींना म्हणजे कृष्णमुर्तीनां अभिप्रेतच नाही)अर्थाअर्थी काहीतरी चुकीचा संबध जोडुन काही तरी भविष्य कथन करतात.शेवटी जातक जो १ते २४९ मधील नंबर सागंतो त्या नंबराला महत्व द्यावे असे आमचे प्रामाणिक म्हणणे आहे. बाकी या बाहेरील नंबरांना कुठलाही उदा .२५० ते अनंता पर्यंत नंबर कृष्णमुर्तीनां अभिप्रेतच नाही हे लक्षात ठेवा.

३१ डिसेंबरच्या २००८ च्या (रात्री २३:५९:५९)वेळेबाबत समायोजन...

2008-12-14T14:47:00.002+05:30

३१ डिसेंबरच्या २००८ च्या (रात्री २३:५९:५९)वेळेबाबत समायोजन...
पृथ्वीवर सुर्य आणि चंद्र याच्या गुरुत्वाकर्षणाचा परीणाम झाल्यामुळे पृथ्वीची स्वत: च्या आसाभोवती फ़िरण्याची गति मध्ये प्रति दिन .००२ सेकंदांचा फ़रक पडत जातो म्हणजेच पाचशे दिवसांनी १ सेकंदाचा फ़रक पडतो. त्याच्या मुळे वर्षाच्या जून महिन्यात किंवा डिसेंबर महिन्यात एक सेकंदची वेळ अँडजेस्ट करावी लागते.

आजचा चंद्र आकाशात जाऊन पहा....!

2008-12-12T19:58:00.005+05:30

व्वा काय सुंदर चद्र दिसतो आहे. अति छान ...! अप्रतिम...! मनोहारी...! आजचा चंद्र आकाशात जाऊन पहा.... दि.१२/१२/२००८ रोजी म्हणजे आजचा हा चंद्र ३८,८८५ मैल आपल्या जवळ आलेला आहे.म्हणजेच तो आपल्या पृथ्वीपासुन २२१,५८७मैल ईतक्या अंतरावर जवळ आला आहे.अत्यंत तेजस्वी प्रकाश ही पहा. आपण ही अवकाशीय सुदंर ,मनोहारी घटना उघड्या दोळ्यांनी पाहु शकता...तर पहा तर चंद्र आम्ही आपल्यासाठी खास कैमेराने टिपला आहे. हीच घटना शनिवारी १० जानेवारी २००९ मध्ये आपणास पहाता येईल.

आगामी ग्रहणे.

2008-12-09T16:02:00.006+05:30

( फ़ोटो सौजन्य : नासा )

आगामी ग्रहणे
२६जानेवारी २००९ सुर्य ग्रहण आणि ९ फ़ेब्रुवारीला छायाकल्प(मांद्य)ग्रहण आहेत.या ग्रहणांचे परिणाम जगावर अतिशय भीषण व गंभीर होतील कारण ही ग्रहणे लागोपाठ १५ दिवसांच्या आत होत असल्याने मोठमोठे भुकंप, हल्ले,युध्द ,रेल्वे,विमान व मोठ मोठे वाहनांचे अपघात होतील.म्हणून प्रत्येक मानवाने या दृष्टिने स्वतः साठी संरंक्षण म्हणून"ॐ त्र्यंबंकम यजामहे सुगंधीम पुष्टि वर्धनम उर्वारुकमिव बंधंनान मृर्त्यारमोक्षीय मामृतात"हा जप सतत म्हणत रहावा.ज्यांना शक्य असेल त्यांनी रोज अग्निहोत्र करावा.जागतिक शांततेसाठी आपण रोज हाही मंत्र म्हणावा. "ॐ विश्वंम शांति मस्तु"
१२ वेळेस सकाळी व सायंकाळी म्हणावा ;तेव्हा ज्ञानेश्वर माऊलि प्रमाणे विश्वात्मक देवाजवळ वैश्विक शांतिसाठी प्रार्थना करावी ही विनंती.

गणपती बाप्पा मोरया...!

2008-09-14T18:59:00.002+05:30

आज अनंत चतुर्दशी...
गणपती बाप्पा निघाले आता पुढील प्रवासाला...
उपत्ती...स्थिती ....आणि लय...हे परमेश्वरी कार्याचे चक्र आहे..हे अनंत चतुर्दशी दर्शविते..खरतर आपण गणेशाची प्राण प्रतिष्ठा करतो...पण पुढील ११ व्या दिवशी त्याचे आपण विर्सजन करतो..पण आपण या घटनेतुन हा बोध घ्यायचा आहे की मानवी जीवन हे सुध्दा क्षणभंगुर आहे..आपण या सृष्टीत जन्म घेतो आणि एके दिवशी आपणही पुढच्या प्रवासाला निघतो ..म्हणुन माणसाने आपल्या आयूष्यात सदैव सत्कार्य करत रहावे ...ते सुध्दा परमेश्वरी नाम घेऊन...!
कुडंलीत पहिले स्थान हे उप्पत्ती दाखवते म्हणजे जीवनाचे स्विच आँन होते....तसेच १२ वे स्थान हे जीवनाचा लय दाखवते म्हणजेच जीवनाचे स्विच आँफ़ होते...

हायर एज्यूकेशन इन फ़ाँरेन कन्ट्रीज.....! Higher Education In Foreign Countries.....

2008-09-14T10:21:00.002+05:30

प्रत्येकाच्या जीवनात शिक्षण हे येतच असते. शिक्षणामुळे माणुस शिक्षित होतो. ४-आणि११ स्थानांमुळे शालेय व काँलेज शिक्षण दाखवले जाते.नवम स्थान हे उच्च शिक्षण दाखवते.नवम स्थानाच्या कार्येशाच्या दशेमध्ये किंवा अंतर दशेमध्ये जातक उच्च शिक्षण घेत असतो.परदेशा मध्ये निवास हा १२ व्या स्थानाचा उप-नक्षत्र स्वामी दाखवितो.१२ व्या स्थानाचा उप-नक्षत्र स्वामी हा जर ३किंवा ९ स्थानाचा कार्येश असतो तेव्हाच परदेश गमनाचा योग येतो.स्काँलरशिप साठी ६ व ११ स्थानांच्या कार्येशाचा विचार करावा. नोकरीसाठी ६ आणि १० स्थानाचा विचार करावा. वरील कुडंलित नवव्या स्थानाचा नक्षत्र स्वामी चंद्र असुन उप-नक्षत्र स्वामी शुक्र आहे. चंद्र हा तॄतियेश असुन स्वतःच्या नक्षत्रा मध्ये आणि उप-नक्षत्रा मध्ये आहे.तो मनाचा कल दाखवतो.नवमाचा उप-नक्षत्र स्वामी शुक्र असुन तो ११ व्या स्थानात स्थित असुन स्वतःच्या नक्षत्रा मध्ये आहे त्यामुळे तो ईच्छा पुर्ति व प्रयत्नां मध्ये यश दाखवितो त्याप्रमाणे जातकाला उच्च शिक्षण मिळाले आहे.शनि आणि मंगळ हे नवम स्थानाचे कार्येश आहेत त्यामुळे परदेश गमन व उच्च शिक्षण होते तसेच त्यांच्या अर्तंदशेत झालेले आहे.गुरु १२ व्या स्थानामध्ये असुन त्याच्या नक्षत्रात कुठलाही ग्रह नाही त्यामुळे तो १२ व्या स्थानाचा स्ट्राँग कार्येश झाला आहे त्यामुळे गुरु परेशात वास्तव्य दाखवितो त्यामुळे गुरु महादशा, शनि अंतरदशा व राहू विदशेत जातक परदेशात उच्च शिक्षणा साठी गेलेला आहे. हा कालावधी २४-०५-१९६९ साली होता.ज्योतिष अभ्यासू,व्यासंगी ,सूज्ञ वाचकांनी वरील अनुभव घ्यावा.

गणपती बाप्पा मोरया ...!

2008-09-03T16:09:00.005+05:30

S

आपल्याला गणेश चतुर्थीच्या हार्दिक शुभेच्छा..........!
धन्यवाद वाचक वर्ग हो ...! अबब आमच्या वाचक वर्गाची संख्या अगदी अल्पावधीत (५८९५)पाच हजार आठशे पंच्यांण्णव झाली आणि ती वाढतच आहे...
प्रत्येकाने आपल्या घरात श्रीगणेश अर्थात गणपतीची मुर्ती आणुन प्रतिष्ठापना केली असेलच.श्रीगणेश ही बुध्दिची देवता आहे म्हणुन आपण गणेश उत्सव साजरा करातांना या दहा दिवसात रोज सकाळ व सायंकाळ आरती नंतर गणपती अर्थवशीर्ष म्हणावे.अध्यात्माने हे सिध्द केले की अर्थवशीर्षाच्या स्पंदनाने ब्लड प्रेशर नाँर्मल स्थितीला आणता येते.
यज्ञ,विवाह,इत्यादी धार्मिक विधींचे वेळी अग्रपूजेचा-म्हणजे प्रथम -पूजेचा मान कोणत्या देवाला द्यावा, याबद्दल एकदा देवांमध्ये वाद सुरु झाला. प्रत्येकाला हा मान आपल्याला मिळावा असे वाटणे सहाजिकच होते.गणेशाने पृथ्वीला प्रदक्षिणा घालण्या ऎवजी आपल्या मात्या-पित्याला सात प्रदक्षिणा घातल्या व ब्रम्हदेवाने म्हटले की माता ही पृथ्वी समान आहे म्हणुन गणेशाला हा मान बुध्दिच्या बळावर मिळाला आहे.
गणपतीच‍ी विशेष कृपा लवकर प्राप्त करण्यासाठी श्वेत अर्काला पुष्य-नक्षत्रयुक्त रविवारच्या दिवशी आणुन पंचामृताने अभिषेक करा. गणपतीची लाकडाची मूर्ती बनवून तिला घराच्या प्रवेशद्वाराबाहेर ठेवल्यास घर मंगलमय लहरींनी पवित्र होते.
गणेश चतुर्थी - दिवसभर मुहूर्त भाद्रपद शुद्ध चतुर्थीला (बुधवारी, ता. ३ सप्टेंबर) गणपती मूर्ती प्राणप्रतिष्ठेसाठी सूर्योदयापासून सायंकाळी सातपर्यंत मुहूर्त आहेत. सूर्यास्तानंतर गणपतीची स्थापना शक्यतो करु नये.
शनिवारी (ता. ६) गौरी आवाहन (महालक्ष्मी) मुहूर्त सकाळी ७.२० ते ९.०० व दुपारी १ ते ३ या वेळेत करावे.

लक्षात ठेवा:
गणपती उत्सवात आपण रात्री १० वाजेनंतर लाऊड स्पीकर बंद ठेवावे कारण छोटे मुले, जेष्ठनागारिक ,दवाखान्यातले रुग्ण यांना केवळ हिंदी कर्कश गाण्यांपासुन त्रास होण्याचा संभव आहे.
शक्यतो LED ची लायटींग करावी वीजेची बचत होईल..!
आपण गणेश आराधनेत त्याच्या दहा दिवसात त्याच्या बुध्दिरुपी स्वरुपात एकरुप व्हायचे आहे तेव्हा कृत्रिम ,अनावश्यक खर्च टाळा.
वर्गणीतले उरलेले पैसे एखाद्या गरीब किंवा आजा-याला दान करा. त्याचे आशीर्वाद घ्या ही परमेश्वराची भक्ति आहे हे लक्षात घ्या.
या सणाचा आनंद मनापासुन लुटा...अन म्हणा ...एक लाडू फ़ुटला...गणपती बाप्पा घरी विराजला..... !

रुलिंग प्लेनेट्स एक जादूची कांडी......!

2008-09-01T21:51:00.003+05:30

अगदी सायंकाळी मी काही कुडंल्याचा अभ्यास करत होतो. कुणी तरी दाराची कडी
वाजविली.मी दार उघडले....!कुणी तरी अनोळखी व्यक्ति घरात शिरली...? मी काही बोलायच्या आत ते म्हणाले आपण ज्योतिषी आहात अस मला माझ्या मित्राने सांगितले...तेव्हा तो सरळ मुद्यावर आला मी खुप चिंतातुर आहे वेळ न दवडता मी आपल्या कडे आलो आहे ...माझा प्रश्न असा आहे की माझा मुलगा परगावी सर्व्हीसला आहे तो रोज अप-डाऊअन करतो पण
तो आज घरी वेळेत परत आलेला नाही ...आपण माझा प्रश्न बघा....!प्रश्न पाहतांना १सप्टेंबर२००८ रोजीची ती वेळ होती रात्रीचे ०८:०४:०० pm वाजले होते मी त्यावेळेची प्रश्न कुडंली मांडली.प्रश्न कुडंलीत मीन लग्न येते त्यामुळे रुलिंग प्लँनेटस
मध्ये लग्नेश गुरु होता आणि चंद्र हा कन्या राशीत असुन उत्तरा नक्षत्रात आहे त्यामुळे रुलिंग प्लेनेट्स मध्ये रवि आणि बुध येतो.वार सोमवार असल्यामुळे रुलिंग प्लँनेट मध्ये चंद्र येतो.प्रश्न कुडंलीत चंद्र केद्रांत असल्यामुळे जातक लवकरच मीन लग्न संपण्याच्या आत पोहोचावयास पाहिजे परंतु पंचागानुसार मीन लग्न ०७:२३:०० रात्री सुरु होउन ०८:५९:०० संपते .आता रुलिंग प्लँनेट मध्ये गुरु महत्वाचा आहे त्याच प्रमाणे मीन राशी मध्ये रेवती नक्षत्र आहे त्यामुळे बुध घ्यावा लागेल तसेच वार सोमवार म्हणुन चंद्र घ्यावा लागेल परंतु चंद्राच्या रशीत केतू असल्याने रुलिंग प्लँनेट मध्ये चंद्रा ऎवजी केतूला घ्यावे लागेल
कारण कॄष्णमुर्ती म्हणतात Nodes are stronger than planets म्हणुन गुरु,बुध,केतू,रवि अशी रुलिंग प्लँनेटस ची साखळी घ्यावी लागेल.म्हणजे घटना घडतांना हे रुलिंग प्लँनेटस असावे लागतील आणि हा बिंदू १८ अंश उदीत असतांना ती व्यक्ति घरी परतावयास हवी.सदर लग्न हे ३मिनिटाला १ अंशातुन फ़िरते तर १८ अंश फ़िरायला १८x ३= ५४ मिनीटे जवळ जवळ लागतील.०७:२३:०० ला मीन लग्न सुरु झाले त्यात ००:५४:०० मिनिटे मिळविल्यास ०८:१७:०० वाजता रात्री ही घटना घडायला हवी म्हणजे ती व्यक्ति घरी यायला हवी.त्यांना म्हटले आता हे कँल्यूलेशन मी दोन मिनीटात केले आता घड्याळ लावा आणि पहा ०८:१७:०० मिनीटांनी आपला पुत्र येतो की नाही घरी ...आता चिंतेला मारा गोळी...थोडा गरम चहा घेतला ... त्यांना म्हटले आपल्या घड्याळात किती वाजले हो बघा...ते म्हटले ०८:१६:५९.....पुढच्या क्षणी त्यांचा मोबाईल खणाणला ...तो त्यांच्या सौं चा होता ...त्या म्हटल्या आपले चिरंजिव सुखरुप घरी परतले आहे म्हणून मी फ़ोन केला....!त्यांनी माझे आभार मानले !
मी मनोमन माझ्या परम श्रध्येय गुरुजी प्रोफ़ेसर कृष्णमुर्तिजींना नमस्कार केला..कारण जे पारंपारिक ज्योतिषशास्त्रात सापडले नाही अशा अनेक प्रश्नांची उकल करुन प्रोफ़ेसर कृष्णमुर्तिजींनी ते सुध्दा किती सहज सिध्दांच्या स्वरुपात लोकांपुढे माडंलेत.

ज्योतिषी खरा आहे की खोटा आहे? हे कसे ओळखावे??How should be a real astrologer

2008-08-31T11:32:00.006+05:30

ज्योतिषास्त्राचा अभ्यास करणारे अनेक जण आहेत पण आजकाल या शास्त्राचा उपयोग केवळ पोटभरण्या साठीही केला जातो. रस्त्यावर पोपट घेऊन बसलेल्यां पासुन तर थेट एअर-कडींशन मध्ये बसुन या शास्त्राची थट्टा करणारे अनेक असतीलही शिवाय अशी मंडळी देव-देवता यंत्र-तंत्र-मंत्रांच्या छब्या भितींवर टांगून दुकान माडुंन बसलेले असतात. ज्योतिषास्त्राचा अभ्यास असल्याचा खोटा आव आणुन ही मंडळी इतरांना फ़सवत असतात.ज्योतिषी हा प्रामाणिक असावा त्यासाठी चतुर्थेश किंवा चर्तुर्थ स्थानातील ग्रह हा शुभ ग्रह असावा लागतो तसेच त्याचा नक्षत्र व ऊप-नक्षत्र स्वामी हा शुभ ग्रह असावा लागतो. चर्तुर्थ स्थानातील ग्रहाचा ऊप-नक्षत्र स्वामी हा शनि ,राहू, व केतू पैकी आला तर तो माणूस लबाड असतो अनेकांना तो फ़सवतो थोडक्यात तो प्रामाणिक नसतो.अभ्यासू ,प्रसिध्द, निष्णात ज्योतिषी श्री.हसबे गुरुजींनी या बाबतीत आम्हा ज्योतिषांना अनुभवाचे बोल सांगितले आहे. त्यांनी सांगितले , की असे योग असणारे अधिकारी सुध्दा अप्रामाणिक असतात.तसेच लग्न किंवा लग्नेशाचा संबध जर मंगळाशी आला तर तो माणूस फ़ार अहंकारी असतो.हुशार ज्योतिषांनी असे अनुभव आम्हाला सांगावेत. वरील नियम हे कृष्णमुर्ति पध्दतीच्या प्रश्न कुडंली असो किंवा लग्न कुडंली असो या दोघांना सारखेच लागू पडतात.मंगळ हा जर शनिच्या सब मध्ये असल्यास तो मनुष्य निगर्वी व साधा असतो अशा माणसाच्या मनात वाईट विचार येत नाहीत व दुर्गुण नसतात.तसेच चंद्र हा शनि च्या सब मध्ये असल्यास त्या व्यक्तिची एकाग्रता उत्कॄष्ट असते त्यामुळे कुठल्याही शास्त्रात तो पारंगत होऊ शकतो.
प्रोफ़ेसर.कृष्णमुर्तिंनी हे दैवी ज्ञान सर्वांसाठी खुले करुन ज्योतिषशास्त्र पारदर्शी करुन टाकले आहे.
प्रोफ़ेसर.कृष्णमुर्तिं म्हणतात "Analytical study correct intuition and good judgment is needed for successful astrologer."
..................................
हा छंद वेड लावी जीवा....!
आमच्या कडे सुरवातीला अनेक जण भविष्य बघायला यायचे सुरवातीचे ७ वर्ष आम्ही लोकांना फ़्री कन्सटेंशन दिले परंतु वाढती गर्दी पाहुन ( हाताने कँल्क्यूलेशन केलेल्या आजवर मी अभ्यास पुर्ण संशोधना साठी ५ हजाराच्या आसपास कुडंल्याचा अभ्यास केलेला आहे आणि तसेच श्री.बी.व्ही.रामन तसेच कृष्णमुर्ति रीडर्स तसेच अँस्ट्राँलाँजिकल मँग्झिन्स व इतर अस्खलित इंग्रजींतल्या (अँस्ट्राँलाँजिकल) पुस्तकांचा अभ्यास माझा सतत चालु असतो)अनेकांच्या कुडंल्या तयार करतांना येणा-या व्यक्तिला घाई असल्याने वेळेत पुर्ण होत नसायच्या म्हणुन आम्ही साँफ़्टवेअर विकत घेतले. महागड्या साँफ़्टवेअर आणि स्टेशनरीचा खर्च अल्प चार्ज म्हणुन स्विकारतो पण ते पैसे सुध्दा सदगुरुंच्या तपोवनासाठी अन्नदान किवां स्थिरनिधी,बांधकाम,गरीबांना अन्नदान,वस्त्रदान ईत्यादी कार्यात हे पैसे सत्कर्मी लागावेत म्हणुन मी हे सत्पात्री दान आतापर्यंत देत आलो आहे.

माझे सदगुरु प.पुज्य मालतीदेवी यांची कुंडली.

2008-08-30T09:31:00.004+05:30

नोव्हेंबर १९८९ चा काळ असेल त्यावेळेस आमच्या शहरात एका साधन मार्गावर प्रवास केलेल्या दिव्य महात्म्याचे आगमन झाले आहे तरी आपण दर्शनाला त्वरीत यावे ही बातमी आमच्या ओळखीच्या व्यक्तिने आम्हास दिली तत्काळ आम्ही दोघं प.पु.माऊलींच्या दर्शनाला गेलो होतो. सदगुरु मुर्ति पाहिल्यावर असे वाटले हेच माझे सदगुरु आहेत.काही दिवसांनी त्यांचा अनुग्रह प्राप्त झाला.खरतर नुसतेच पुस्तक वाचून गुरु समजत नाही. गुरुचे अगाध ज्ञान जाणायला शेवटी गुरु कृपाच लागते.गुरु हा मायेचा कृपा सागर आहे.सदगुरुं जवळ सर्व ज्ञान आहे पण ते ज्ञान शिष्यात उतरायला शिष्याला गुरु प्रमाणे साधना करावी लागते. अहंभाव ,मी पणा सोडुन चरणी लीन व्हावे लागते......!
त्याकाळी गुरु बद्दल श्रध्दा भाव होता आजही आहे आणि जन्मोजन्मी असे सदगुरु लाभो हीच त्यांच्या चरणी प्रार्थंना आहे. साधन मार्गावर अतिशय उग्र तपश्चर्या करुन एक संसारी गृहिणीने घरदार न सोडता सर्व जबाबदारी लिलयापार पाडुन ...कर्म करुन उच्च टोकाला जाणे ही फ़ार मोठी गोष्ट आहे. प.पुज्य माऊली ह्या उच्चत्वाला जाऊनही त्यांनी स्वतः साठी कुठलीही सिद्धिचा वापर केला नाही आज वयाला ८५ वर्षी झालेली आहेत त्यांना दिर्घायूष्य लाभो ही प्रभु चरणी प्रार्थना .प.पु आई आजही तपोवनात विशिष्ट दिवशी त्या अनुग्रह देतात अन त्यांच्यात तेव्हढाच ऊत्साह ,चैतन्य आहे. प.पु .माऊलींना मी सांगितले की माझा १९८७ साला पासुन ज्योतिषशास्त्राचा अभ्यास आहे. आपण आपल्या कृपेचा आशिर्वाद द्यावा.त्यांनी सांगितले की ज्योतिषशास्त्र हा शापित व्यवसाय आहे तेव्हा मी त्यांना सांगितले की मी भाकीत predictionsकरतांना लोकांकरवी पैसे घेत नाही पण काँम्प्यूटर कुडंली काढतांना साँफ़्टवेअरचा खर्च व स्टेशनरी खर्च इत्यादी साठी मात्र अल्प चार्ज घेतो. ही सुध्दा एक सेवा आहे.प.पुज्य माऊलींचे आशीर्वाद मिळाले पण सदगुरु ही परिक्षा पहात असतो त्यांनी मला एकदा अण्णा साहेब (त्यांच्या मिस्टरांची) कुडंली पहायला सांगितली होती खर तर प.पु. माऊली ह्या फ़ार दिव्यत्वाला पोहचलेल्या आहेत. परंतु गुरु आज्ञा झाल्यावर नाही कसं म्हणायचे म्हणून मी कुडंली बघितली. त्या म्हणाल्या मी सिध्दींचा वापर करत नाही...
याच अनुषंगाने मी प.पु. माऊलींची कुडंली पाहीली तेव्हा अभ्यासू ज्योतिषांसाठी देत आहे.
प.पु माऊलींची जन्मतारीख २०-०९-१९२३ आहे कन्या लग्न असुन लग्नेश बुध आहे तसेच या बुधाचा व कन्या लग्नाचा मंगळाचा कुठलाही संबध येत नसल्याने प.पु.सदगुरु माऊली ह्या अहंकारी नाहीत त्याच प्रमाणे चतुर्थ स्थानावरुन कुठलाही जातक प्रामाणिक आहे की नाही हे समजते.प.पु.माऊलींच्या चतुर्थ स्थाना मध्ये शुभ ग्रह चंद्र येतो तसेच चतुर्थेश गुरु हा शुभ ग्रह येतो तसेच चंद्र हा बुध ह्या शुभ ग्रहाच्या उप-नक्षत्रात येतो त्यामुळे सदगुरु माऊली ह्या अत्यंत प्रामाणिक आहेत,नितीमान आहेत.सदगुरुची कृपा किंवा सदगुरु लाभ हा केव्हा होतो ? ज्यावेळेला लाभाचा उप-नक्षत्र स्वामी हा ५-९ किंवा ११ या स्थानाचा स्ट्राँग कार्येश असतो. प.पु.माऊलींच्या कुडंलीत लाभाचा उप-नक्षत्र स्वामी शनि असुन तो मंगळाच्या नक्षत्रात आहे व त्याची दृष्टि पंचम स्थानातील केतू वर आहे त्या मुळे प.पु.माऊलीनां सदगुरु कॄपा लाभली व स्वामी शिवानंद ॠषीकेश यांची कृपा झाली.प.पु माऊलींच्या तपोवना विषयी व कार्याविषयी जाणुन घ्यायचे असल्यास यावर क्लिक करा.
तसेच ज्या महादशेचा संबध पंचमस्थानाशी येतो त्यादशेमध्ये सदगुरु कडुन औपचारीक पणे गुरुदिक्षा दिली जाते.प.पु.आईंना गुरु महादशा १९६० पासुन सुरु झालेली होती तसेच या गुरुची दृष्टि केतु वर असल्या मुळे व केतू पंचमस्थानात असल्यामुळे प.पु.आईंना १९६२ साली स्वामी शिवानंद ॠषीकेश याच्यांकडुन गुरु दिक्षा प्राप्त झाली. ज्यावेळेला कुडंलीत लाभाचा उप-नक्षत्र स्वामीचा संबध ११ व्या स्थानाशी असतो त्यावेळेला अशा महात्म्यांना ऋध्दि-सिध्दि प्राप्त होते. प.पु.आईंच्या कुडंलीत लाभाचा उप-नक्षत्र स्वामी शनि असुन तो मंगळाच्या नक्षत्रात
असुन मंगळ हा लाभ स्थानात आहे त्यामुळे प.पु.माऊली ह्या ऋध्दि-सिध्दि प्राप्त संत-महात्मे आहेत.प.पु.माऊलींची कुडंली ही उच्च पदाला पोहोचणा-या संत-महात्म्याची कुडंली आहे तसेच ही अत्यंत अशी दुर्मिळ कुडंली आहे.प.पु माऊलीनां जगत गुरु शंकराचार्य ही बहुमानाची योग मार्गातली अति -उच्च पदवी प्राप्त झाली आहे.एका योगमार्गावरच्या स्त्री संत महात्म्याला असा बहुमान भारतात पहिल्यांदाच प्राप्त झाला आहे.

एका लग्नाची गोष्ट....!

2008-08-24T20:37:00.002+05:30

कुडंली मोठी करण्यासाठी त्यावर टीचकी मारा:
असे म्हणतात लग्न गाठी स्वर्गात बांधल्या जातात.इंग्रजीत एक म्हण यावरुन पडली आहे.Marriages are Made in Heaven And Celebrated on Earth....!एका जातकाची ही कुडंली आहे, लग्न खुप छान झाले पण काही दिवसात असे लक्षात आले की आपली चक्क फ़सवणूक झालेली आहे. ह्या जातकाची कुडंली जेव्हा माझ्या समोर आली तेव्हा माझ्या असे लक्षात आले की सदर जातकाच्या कुडंलीत सप्तमाचा सब-लाँर्ड बुध असुन तो केतूच्या उप-नक्षत्रात आहे व केतू नेपच्यूनच्या युतीत असुन राहूच्या नक्षत्रात आहे.राहूची दृष्टि नेपच्यूनवर आहे.
नेपच्यून हा फ़सवणूक करणारा ग्रह आहे. त्यामुळे या जातकाची फ़सवणूक झालेली आहे असे दिसून आले तसेच सप्तमाचा सब-लाँर्ड बुध असल्याने कृष्णमुर्तिंच्या नियमा नुसार पहिल्या पत्नीला घटस्फ़ॊट देऊन दुसरा विवाह झालेला आहे.या व्यक्तिने असे सांगितले की त्याच्या पहिल्या पत्नीला कोड असुन लग्नाच्या वेळेला चक्क कोडाच्या डागांवर रंग दिलेला होता. खर तर कोड हा आजार नाही पण केवळ या गोष्टींचे निमित्त झाले अन भांडणामुळे पती-पत्नीतील संबध दुरावले अन त्याचे पर्यवसान घटस्फ़ॊटात झाले.

कुंडलीतील जन्मवेळ बरोबर आहे की नाही ...हे कसे ओळखावे.?

2008-08-23T09:38:00.003+05:30

ज्योतिषा कडे जेव्हा बरेच जातक जातात तेव्हा त्याच्या पुढ्यात चौकोनात मांडलेल्या सरळ साध्या कुंडल्या ठेवुन त्याला प्रश्न विचारले जातात परंतू त्या कुडंल्याची जन्मवेळ बरोबर आहे की नाही हे मात्र पाहीले जात नाही पण एखादाच निष्णात व अनुभवी ज्योतिषी जातकाची जन्म वेळ तंतोतंत बरोबर आहे की नाही हे पाहुनच भाकीत करतो. उदा. आमच्या अनुभवाप्रमाणे मिथुन आणि कन्या या बुध ग्रहाच्या राशीशी संबधीत कुडंल्या ज्यावेळेला असतात अशावेळेस हमखास एक बरोबर व एक चुकीची कुडंली ज्योतिषा पुढे जातक सादर करतो त्यावेळेस आपण या बाबतीत सावध राहुन त्यावेळेची चालुवेळेची प्रश्न कुडंली मांडुन व त्यावेळेचे रुलिंग प्लँनेटस Ruling Planets चा आधार घेऊन त्या जातकाची जन्मवेळ व जन्मकुंडली बरोबर आहे की नाही याची खात्री करुनच पुढचे भाकीत करावीत.
प्रथम सादर केलेल्या कुडंली मधील सब-लाँर्ड पहावा व तो रुलिंग प्लँनेटस मधील ग्रह असावा त्यानुसार जन्माची वेळ तंतोतंत बरोबर करुन घ्यावी व त्यानुसार जन्मकुडंली नवीन तयार करावी आणि कृष्णमुर्ती पध्दतिने भाकीत करावीत म्हणजे
ज्योतिषशास्त्र बदनाम होणार नाही. ज्योतिषशास्त्रा हे अचुक जन्मवेळेवर आधारीत असल्याने ब-याचदा जन्मवेळ ही दवाखान्यात नर्स किंवा दायी यांनी त्यांच्या हातावरील घड्याळात असलेल्या वेळेनुसार सांगितली जाते शिवाय हे टी.व्ही च्या वेळेनुसार
घड्याळे लावली जातात त्यामुळे बाळाची जन्मवेळ चुकण्याची संभावना जास्त असते.तसेच हल्ली तर काँम्प्यूटर नि इंटरनेटचा जमाना आहे तेव्हा काँम्प्यूटरचे क्लाँकही आपणाला अचुक व अपडेट करता येते ते automic watch ने , त्यासाठी आपण automic watch या साईट वर जावे व काही क्षणातच आपले काँम्प्यूटर आपोआप स्वतः हुन या automic watch च्या वेळे नुसार प्रिसेट होईल. आपल्याला अधिक तंतोतंत वेळेप्रमाणे प्रश्न कुडंल्या मांडता येतील व अचुक भविष्य कथन करता येईल.वरील साधन जर उपलब्ध नसल्यास कमीत कमी आकाशवाणी रेडीओच्या वेळे नुसार घड्याळे लावुन घ्यावीत.

दि.१६-१७ -२००८ आँगष्टच्या खंडग्रास चंद्रग्रहणाचे परीणाम

2008-08-21T00:22:00.002+05:30

नुकतेच शुक्रवार दिनांक १ आँगष्ट २००८ रोजी खग्रास सूर्यग्रहण लागले त्यांनतर १६-१७ ,आँगष्ट २००८ ला चंद्रास खंडग्रास ग्रहण लागले ही दोन्ही ग्रहणे साधारणतः १६-१७ दिवसाच्या अंतराने झाल्याने याचे भीषण परीणाम जगावर घडतील.
या खंडग्रास चंद्रग्रहणाचे राशी परत्वे फ़ल:
मेष,सिंह ,वृश्चिक ,मीन या राशींना शुभ फ़ल
वृषभ ,कर्क,कन्या ,धनु या राशीनां मिश्र फ़ल.
मिथुन,तुला मकर व कुंभ या राशींना अनिष्ट फ़ल मिळेल.

महत्वपुर्ण ग्रहयोग.

2008-07-14T18:50:00.007+05:30

या मध्ये युती योग ,एकराशांतर योग ,लाभ योग ,केंद्र योग ,नवपंचम योग ,षडाष्टक योग,प्रतियोग.
१. युती योग : जेव्हा दोन ग्रह एकाच राशीत एकाच अंशात असल्यास त्या दोन ग्रहांचा युती योग होतो.
शुभ ग्रहा मधली युती शुभ फ़ळ देते अशुभ ग्रहामधली युती अशुभ फ़ळ देते.
२..लाभ योग : दोन ग्रहांमध्ये ६० अंशाचे अंतर असते किंवा एक ग्रह दुस-या ग्रहापासुन तिस-या स्थानात
असतो आणि दुसरा ग्रह पहिल्या ग्रहा पासुन ११ व्या स्थानात असतो म्हणून हा योग शुभ असतो.
३.एकराशांतर योग: दोन ग्रहा मध्ये तिस अंशाचे अंतर असते तेव्हा एकराशांतर योग किंवा द्विर्व्दाशक
योग म्हणतात.शुभ ग्रहा मधील एक राशांतर योग संपत्ती मिळवुन देतात.अशुभ ग्रह शुभ ग्रहाच्या बाराव्या स्थानी असता धननाश वैगरे संभवतो तसेच आर्थिक अडचणी येतात.
४.. केंद्र योग : दोन ग्रहांमध्ये नव्वद अंशाचे अंतर असते तेव्हा केंद्र योग होतो. हा योग अशुभ असतो.केंद्र
योगा मध्ये जीवनात संघर्ष निर्माण होतो.शांति समाधान मिळत नाही.
५..नवपंचम योग: या योगात दोन ग्रहात १२० अंशाचे अंतर असते याला त्रिकोण योग असेही म्हणतात .हा
योग अत्यंत शुभ मानला जातो.या योगामुळे किर्ति यश मिळते.शुभ ग्रहांच्या नवपंचम योगामुळे सुख मिळते
भाग्य मिळते. बुध गुरुच्या नवपंचम योगात बुध्दिमत्ता चांगली असते.
६.षडाष्टक योग: दोन ग्रहामधील अंतर १५० अंश असते दोन ग्रह एकमेकांपासुन ६ व्या व ८
व्या स्थानात असतात. हा योग फ़ारच अशुभ असतो.
७.प्रतियोग: या योगत दोन ग्रह एकमेकांच्या विरुध्द स्थानात असतात त्यांच्यात
१८० अंशाचे अंतर असते.अशुभ ग्रहा मधले प्रतियोग फ़ारच अशुभ असतात.
आजच्या तारखेची कुडंली दिली आहे. तिच्यात असलेले काही योग पहा आणि शिका.
दि. १४-०७-२००८ वेळ: ०६:३५ सांयकाळ

तुज आहे तुज पाशी.....!

2008-07-07T19:45:00.006+05:30

पत्नीचा मेडीकल दुकाना वरुन अचानक फ़ोन आला ..पर्स मध्ये ठेवलेले माझे पैसे कुठेतरी हरवलेत की काय? .खरतर पैसे हरवल्यावर माणूस बैचेन होऊन जातो.मग मी त्वरीत कुंडली मांडून पाहिली वेळ होती रात्री ९:०२ दिनांक ५/०७/०८ या दिवसाची कुंडली मांडली.

त्यात मकर लग्न ऊदित होते.कँश हरवल्यामुळे धन स्थान हे रोकड रक्कम दाखवते. धनेश शनि असुन तो अष्टम स्थानात लाभेश मंगळाच्या युतीत आहे आणि त्याच्या वर व्ययेश गुरुची नवम दृष्टि आहे त्यामुळे पैसा सुरक्षित आहे असे दाखवत होते आणि लग्नेश शनि हा लाभेश मंगळाच्या युती मध्ये अष्टम स्थाना त असल्यामुळे पत्नीला तिचा पैसा ताब्यात मिळेल असे एकंदर दिसले व हा शोध मकर लग्न पुर्ण होण्याच्या आतच पाहीले पाहीजे त्या नुसार पत्नीला मी सांगितले की आपला पैसा हा घरातच कुठेतरी पहावा ....! पैसे कुठे असतील म्हणुन मग घरातच शोधाशोध सुरु झाली....अन पैसे घरातच सापडले...!कारण प्रश्न वेळी मकर हे चर राशीचे लग्न असल्यामुळे पैशाचा शोध लवकर लागेल असे सांगितले होते आणि त्याच प्रमाणे पैसे लगेचच मिळाल्याने त्यांना आनंद झाला.

राहू (अशुभ ) काल.

2008-07-04T19:31:00.004+05:30

वर दिलेला रकाना मोठा करुन पहाण्यासाठी त्यावर क्लिक करावे.
वर दिल्या प्रमाणे राहूचा अशुभ काळ दिला आहे त्या वारी दिलेल्या वेळेत आपण महत्वाची कामे करु नयेत तसेच या काळात बाहेरचा प्रवास टाळावा. एखाद्या माणसाच्या भेटीस जातांना ही वेळ शक्यतो टाळावी.आपण सोबत दिलेला चार्ट प्रिंट करुन तो खिशात ठेवावा म्हणजे आपणाला हा वर्ज्यकाळ पटकन लक्षात येईल.

ग्रहांना कसे कराल प्रसन्न....!

2008-07-03T18:58:00.005+05:30

वेगवेगळ्या ग्रहांचे वेगवेगळे मंत्र आहेत ते मंत्र व्यवस्थीत ,बरोबर उच्च्यारल्याने आपल्या सर्व शरीरात कंपन निर्माण होतात आणि शरीरा मध्ये आणि सर्व जगात एकोपा निर्माण होतो.वैदिक शास्त्रा नुसार एखाद्या देवतेचा मंत्र बरोबर उच्च्यारला असता ती देवता मत्रोंपच्चार करणा-याला प्रसन्न होऊन मदत करते.वेगवेगळ्या ग्रहांना प्रसन्न करण्यासाठी वेगवेगळे ऊपाय आणि मंत्र आहेत.
आम्ही खाली दररोज लागणारे सशक्त मंत्र ,दान धर्म, पुजली जाणारी देवता,रुद्राक्ष यांच्या बद्दल माहिती देत आहोत.
१) रवि : रवि संबधी जीवना मध्ये महादशा किंवा अंतर्दशा आली असेल किंवा रवि ग्रहा संबधी त्रास असेल तर खालील गोष्टींचा अवलंब करावा.

*शिव ऊपासना करावी
* दररोज गायत्री मंत्र म्हणावा.
*गव्हाचे आणि खडी साखर यांचे दान रविवारी करावे व रविवारी उपास करावा.
*रुद्राभिषेक करावा.
*एक मुखी किंवा बारा मुखी रुद्राक्ष परिधान करावा.
*दररोज सुर्याला लाल फ़ुल व रक्त चंदन वहावे.
२)चंद्र: संबधी जीवना मध्ये महादशा किंवा अंतर्दशा आली असेल किंवा चंद्र ग्रहा संबधी
त्रास असेल तर खालील गोष्टींचा अवलंब करावा.

*गौरीची ऊपासना करावी.
* अन्नपुर्णा स्तोत्र म्हणावे .
*चंद्र स्तोत्र म्हणावे .
*दान धर्म: गाईचे दुध किंवा तांदूळ अर्पण करावा.
*दर सोमवारी उपास करावा.
*देवीची पुजा करावी.
*द्वी-मुखी रुद्राक्ष परीधान करावा.
*पांढरे फ़ुल किंवा पांढरे चंदन वहावे.
३) मंगळ:संबधी जीवना मध्ये महादशा किंवा अंतर्दशा आली असेल किंवा मंगळ ग्रहा संबधी
त्रास असेल तर खालील गोष्टींचा अवलंब करावा.

*कार्तिकेय आणि शिवाची ऊपासना करावी. ॐ नमः शिवाय मंत्र म्हणावा.
*मंगळ स्तोत्र म्हणावे.
*मसूर डाळ मंगळवारी दान करावी.मंगळ वारी उपास करावा.
*कार्तिकेयाची पुजा किंवा रुद्राभिषेक करावा.
*तीन मुखी रुद्राक्ष परीधान करावा.
* लाल फ़ुल आणि रक्त चंदन वहावे.
४) बुध:संबधी जीवना मध्ये महादशा किंवा अंतर्दशा आली असेल किंवा बुध ग्रहा संबधी
त्रास असेल तर खालील गोष्टींचा अवलंब करावा.

* विष्णूची ऊपासना करावी किंवा विष्णू सहस्त्र नाम स्तोत्र म्हणावे.
*बुध स्तोत्र म्हणावे.
*हिरवे चणे बुधवारी दान करावे. बुधवारी उपास करावा.
*चार मुखी रुद्राक्ष परीधान करावा.
*वेगवेगळ्या रंगाची फ़ुल जमवुन एकत्रित करुन पुजा करावी.
५)गुरु:.संबधी जीवना मध्ये महादशा किंवा अंतर्दशा आली असेल किंवा गुरु ग्रहा संबधी
त्रास असेल तर खालील गोष्टींचा अवलंब करावा.

*शिव किंवा आपण केलेल्या गुरुंची पुजा करावी.
*गुरु स्तोत्र म्हणावे.
*केशर ,हळद,किंवा साखर यांचे दान करावे. गुरुवारी ऊपास करावा.
*रुद्राभिषेक करावा.
*पंचमुखी रुद्राक्ष परीधान करावा.
*पुजेत केशर,चंदन आणि पिवळे फ़ुले वाहावीत.
६) शुक्र: संबधी जीवना मध्ये महादशा किंवा अंतर्दशा आली असेल किंवा शुक्र ग्रहा संबधी
त्रास असेल तर खालील गोष्टींचा अवलंब करावा.

*शक्ती देवीची उपासना करावी.
*स्त्री-सूक्त,देवी स्तुती किंवा दुर्गा चालिसा म्हणावा.
*शुक्र स्तोत्र म्हणावे.
*कपडे,दुध किंवा दही एखाद्या स्त्रीला दान करावे.शुक्रवारी ऊपास करावा.दुर्गा देवीची पुजा करावी.
*सहामुखी रुद्राक्ष परीधान करावा.
*पुजेत पांढरी फ़ुले किंवा पांढरे चंदन यांनी पुजा करावी.
७) शनि: संबधी जीवना मध्ये महादशा किंवा अंतर्दशा आली असेल किंवा शनि ग्रहा संबधी
त्रास असेल तर खालील गोष्टींचा अवलंब करावा.

*हनुमान या देवतेची ऊपासना करावी.
*हनुमानाचे कुठलेही स्तोत्र किंवा हनुमान चालिसा म्हणावे.
*शनि स्तोत्र म्हणावे.
*शनिवारी काळ तिळ किंवा म्हैस दान करावे.
*शनिवारी उपास करावा.
*सात मुखी रुद्राक्ष परीधान करावा.
*निळ्या गोकुर्णाची फ़ुल वाहावीत.
*पुजा करतांना मोहरीच्या तेलाचा दिवा सतत तेवत ठेवावा.
*सात मुखी रुद्राक्ष परीधान करावा.
८)राहू:संबधी जीवना मध्ये महादशा किंवा अंतर्दशा आली असेल किंवा राहू ग्रहा संबधी
त्रास असेल तर खालील गोष्टींचा अवलंब करावा.

* भैरव किंवा शिव देवतेची ऊपासना करावी.काळभैरवाष्टक स्तोत्र म्हणावे.
*राहू स्तोत्र म्हणावे.
*ऊडीदाची डाळ आणि नारळ शनिवारी दान करावे.शनिवारी ऊपास करावा.
*आठ मुखी रुद्राक्ष परीधान करावा.
* दुर्गा सप्तशतीचा पहिला अध्याय म्हणावा.
*रात्री राहूची पुजा निळ्या फ़ुलांनी व चंदनाने करावी.
९)केतू:संबधी जीवना मध्ये महादशा किंवा अंतर्दशा आली असेल किंवा केतू ग्रहा संबधी
त्रास असेल तर खालील गोष्टींचा अवलंब करावा.

* गणपतीची ऊपासना करावी किंवा दररोज ११ वेळेस गणंपती अर्थवशीर्ष म्हणावे.
*केतूचे स्तोत्र म्हणावे.
*गुरवारी मोहरीच बी किंवा काळी गाय दान करावे.
*गुरुवारी उपास करावा.
*नव मुखी रुद्राक्ष परीधान करावा.
*शिव पंचाक्षरी स्तोत्र म्हणावे.
*पुजेत राखी रंगाचे फ़ुले व चंदन वाहावे.
वरील ऊपासनेत सांगितेले मंत्र किमान ११ वेळेस रोज म्हणावे.

आधुरी एक प्रेम कहाणी....!

2008-06-29T21:59:00.004+05:30

आधुरी एक प्रेम कहाणी....!
एका सिनेमाच्या स्टोरी सारखी ही प्रेम कहाणी आहे ...एक होता राजा..देखणा ...सुंदर..रुबाबदार माणूस...त्याच प्रेम बसते एका सुंदर तरुणी वर...अबोल नाते पुढे प्रेमातुन बहरत जाते मग ह्ळुच लग्नगाठीही बांधल्या जातात..सुखी संसार गुण्या गोंविदांने बहरलेला असतो...दोघे ही कलेचे उपासक..मग काय नाटकाच्या रंगमचांवर सुध्दा यांची वर्णी लागते...
कुणीही रत्यावरचे या जोडीला पाहुन दृष्ट लावतील...इतकी छान जोडी...बस्स..ती आणि तो गोव्याला हनिमुनला जातात...व्वा काय आहे तो फ़ोटो अल्बम... कुणी ही पाहिल्या बरोबर म्हणेल सुंदर ह...! पुढे कहाणी सरकते...जीवनाच्या ख-या रंगमंचावर प्रवेश होतो...राणी आनंदी असते..राजा ही बुध्दिवान...उमदा ..देखणा...! राणीला दिवस जातात..एक छोट मुल या गोजिरवाण्या घरात येत...काही वर्ष आनंदात निघुन जातात ......राजाला याच रंगमंचावर दारुच व्यसन लागत...!कहाणीला इथे कलाटणी मिळते....राणी राजाच्या या व्यसनाला कंटाळुन जाते....अन राजाच्या
रोजच्या मारण्याला कंटाळुन राणी एकदाची घरा बाहेर पडते ...ती कायमची....परत न येण्यासाठी....बरेच दिवस निघुन जातात...इकडे राजा राणीच्या या आधु-या प्रेम कहाणीत राजा तिच्या साठी खुप झुरतो...अगदी वेडा होतो...पण सारे प्रयत्न व्यर्थ ठरतात....राजा दारुच्याच नव्हे...तर पारुच्या म्हणजे राणीच्या वेडात आपले अस्तित्वच घालावुन बसतो...राजा बँकेतले
काम सोडतो....राजा तर नेहमीच तर्र असल्याने तो कुठे असतो याचा पत्ता कुणालाच माहित नसतो ..एखादा अनोळखी दयाळु राजाला दारुत तर्र असतांना रिक्षात टाकुन घेउन येतो ..असे नेहमीच होऊ लागले....बस्स राजाची ही प्रेमाची कहाणीतले प्रेम-धागे तुटून जातात... राजाची पहिली राणी एका अपत्या सह त्याला घटस्फ़ोट देते.!पुन्हा ...राजा एकाकी पडतो...राजाला
सावरण्यासाठी राजाचे पुन्हा दुसरे लग्न होते...सनई-चौघडे..वांजत्री वाजते...घरच्यानां तसेच जवळच्याला वाटते की आता तर पुन्हा एकदा राजाचे जीवन बहरले...जीवनात ही घडी अशीच राहु दे....पण राजाच्या दुस-या संसाराला आग लागते...ईथेही अल्प विराम मिळतो....ही जोडी तुटुन जाते... राजा मात्र आता तर पुर्ण पणे खचुन जातो.अन व्यसनाच्या आहारी जाऊन तो एक दिवस आयूष्याचाच पुर्ण रंगमंच सोडुन निघुन जातो....कहाणीला आता पुर्ण विराम मिळतो.राजाची आई माझ्या कडे येते आणि विचारते की राजा तर सोडुन गेला पण राजाच आयुष्यात अस का व्हाव..माझ्या लाडक्या राजाच सार आयुष्य प्रेमात ऊधळुन गेल? मग मी पाहिले राजाचा प्रेम विवाह होण्याचा योग असा की ज्यावेळला सप्तमाचा उप-नक्षत्र स्वामी हा पंचमाचा कार्येश असतो आणि पंचमाचा उप-नक्षत्र स्वामी हा सप्तमाचा कार्येश असतो तरच प्रेम विवाह होतो त्याच प्रमाणे महादशा स्वामी पंचमाचा कार्येश असतो.वरील राजाच्या कुडंलीत सप्तमाचा उप-नक्षत्र स्वामी बुध असुन तो पंचमात आहे व सप्तमेष मंगळाच्या युती मध्ये आहे त्यामुळे पाचव्या व सातव्या स्थानाचा संबध प्रस्थापित झाला आहे तसेच पंचमाचा सबलाँर्ड गुरु असुन तो सप्तमेष मंगळाच्या युती मध्ये आहे अशा प्रकारे पाच व सात स्थानाचा एकाच वेळेस कार्येश झालेला आहे त्यामुळे प्रेम प्रकरण होऊन त्याच रुपांतर विवाहात झालेले आहे.तसेच सप्तमाचा सबलाँर्ड जर ६-८-१२ स्थानाचा कार्येश असला तर वैवाहिक जीवनात भांडण,ताटातुट होत असते.या कुंडलीत सप्तमाचा सबलाँर्ड बुध असुन तो व्ययेश आहे.त्यामुळे ताटातुट होऊन त्याच रुपांतर घटस्फ़ोटात झाले आहे.आता दुसरा विवाहाचा योग हा द्वितीय स्थाना वरुन पहातात कारण द्वितीय स्थान हे सप्तमा पासून आठवे स्थान आहे म्हणजे पहिल्या विवाहाच मृत्यू स्थान आहे.दुस-या विवाहाच्या वेळेस ते माझ्या कडे आले होते .मी त्यांना सांगितले होते की दुसरा विवाह करु नये अयशस्वी होऊन त्यात भानगडी होतील त्यांनी माझे ऎकण्या पेक्षा मुलाच्या परिस्थिला अधिन राहुन दुसरे लग्न केलेच होते पण शेवटी तसेच झाले दुसरा विवाह अयशस्वी होऊन त्यांचा घटस्फ़ोट झाला.

एका जातकाची कुंडली -

भाव राशी अंश नक्षत्र स्वामी. उप-नक्षत्र स्वामी.
लग्न तुळ २५-४०-२८ गुरु बुध.
५वे स्थान कुंभ २९-५५-०२ गुरु चंद्र
७वे स्थान मेष २५-४०-२८ शुक्र बुध.

हरवलेल्या व्यक्ति संबधी एक गोष्ट!

2008-06-28T19:02:00.005+05:30

संध्याकाळची वेळ होती.एक साठीतले गृहस्थ माझ्या कडे आले ! तसे ते भविष्या बद्दल काही अडचणी असल्यास माझ्या कडे मधून मधून येतात पण आज ते फ़ार दम हाकत माझ्या कडे एवढ्या रात्री आले .मलाही थोडे आँड्च वाटले होते ...कारण फ़ोन न लावता ते आले होते.आल्या आल्या त्यांनी सांगितले की मला एक चिंता लागली आहे ..आत्ताच मी आणि माझी मुलगी ,नातु हे तीघेही रेल्वे स्टेशनला गेलो होतो. स्टेशन वर मुंबई कडे जाणा-या अपच्या दोन गाड्या ऊभ्या होत्या त्यानंतर त्यांची मोठी मुलगी (जी नोकरी करते व टीचर आहे) ही अचानक त्या गर्दीत गायब झाली.गाडी निघायची वेळ आली होती पण त्यांची मुलगी तर त्यांना काही दिसेना ? सर्वीकडे पाहीले पण प्रयत्न व्यर्थ गेले!शेवटी ते घरी परतले त्यानंतर परत पावली ते माझ्याकडे आले. त्यांनी वरील किस्सा सांगितला...अन मला पट्कन प्रश्न केला, की आपण मला सांगा माझी मुलगी सुखरुप असेल का नाही..? अचानक ती कोठे ?कशी ? निघुन गेली....मी पटकन त्या दिवसाची (म्हणजे तो दिवस होता १६ मार्च २००८ वेळ सांयकाळ: ०८:४६ मिनीटांची) कुंडली मांडली.
कुडंली स्पष्टपणे पाहण्यासाठी तिच्यावर क्लिक करा
हरवलेली व्यक्ति सुखरुप आहे की नाही या विषयी सुरक्षितता दर्शविणारा गुरु हा ग्रह आहे त्याच्या खालोखाल भाग्येश हा ग्रह असतो. प्रश्न कुंडलीत चंद्र हा ग्रह हरवलेल्या व्यक्तिचे प्रतिनिधीत्व करतो म्हणून गुरुची किंवा भाग्येशाची दॄष्टी चंद्रावर किंवा हरवलेल्या व्यक्तिच्या संबधीत स्थाना वर किंवा त्या स्थानाच्या अधिपती वर असेल तर हरवलेली व्यक्ति सुखरुप असते.वरील प्रश्न कुंडली मध्ये हे अपत्य तिसरे असल्यामुळे प्रश्न कुंडलीतले नवम स्थान हे हरवलेल्या व्यक्तिच्या संबधीत स्थान दाखवते आणि नवम स्थानावर तॄतीय स्थानातील धनु राशीतील गुरु ची दॄष्टी असल्यामुळे आपली मुलगी सुखरुप आहे असे सांगितले.वरील प्रमाणे गुरु चा किंवा भाग्येशाचा संबध लागत नसता आणि चंद्र जर ६-८-१२ या स्थान असता तर षष्ठ स्थानातील चंद्रा मुळे आजार किंवा दुखापत झाली असते असे सांगितले असते .तसेच अष्टमात जर चंद्र असता तर अपघात झाला असावा असे सांगितले असते.चंद्र जर १२ व्या स्थाना त असता तर मुलगी ही हाँस्पिटल किंवा लाँक-अप मध्ये असल्याचे सांगितले असते. अष्ट्मात चंद्र जर मंगळाच्या युतित किंवा दॄष्टीत अथवा पापग्रहाच्या युतीत असता तर मुलीला कुणी तरी जबरदस्तीने डांबुन ठेवलेले असते किंवा ती व्यक्ति गुंडाच्या ताब्यात असते.परंतु वरील प्रश्न कुंडलीत असे कुठलेच योग आढळुन आले नाही त्यामुळे वरील शक्यता फ़ेटाळुन लावल्या. वरील प्रश्न कुंडलीत चंद्र हा दशम या केंद्र स्थानात होता त्यामुळे ती व्यक्ति राहत्या गावात किंवा शहरात असली पाहिजे असे ठामपणे मी सांगितले म्हणजे आपली मुलगी चाळीसगावला आपल्या घरी सुखरुप पोहचलेली आहे असे सांगितले.तेव्हा आपण चिंतामुक्त रहावे असे मी त्या गृहस्थांना सांगितले.काही वेळातच त्या मुलीचा फ़ोन आला ,मी सुखरुप असुन आता मी घरी पोहोचली आहे. त्यांना मी अगोदरच सर्व सांगुन टाकले होते त्यामुळे त्याच्या नातवाच्या डोळ्यातले अश्रु ही तात्काळ बंद झाले होते.संकटाच्या वेळी ज्योतिष्यशास्त्राचा किती मार्गदर्शनपर ऊपयोग होतो हे सांगण्यासाठी त्यांच्याजवळ मात्र शब्दच नव्हते.....!

कॄष्णमुर्ती पध्दति नुसार रुलिंग प्लँनेट

2008-06-27T19:46:00.005+05:30

१कॄष्णमुर्ती पध्दति नुसार रुलिंग प्लँनेट म्हणजे त्यावेळी त्याठीकाणी उदित असलेला लग्नाचा स्वामी.
२.चंद्र ज्या नक्षत्रात असेल त्या नक्षत्राचा अधिपति.
३.चंद्र ज्या राशीत असेल त्या राशीचा स्वामी.
४.जो वार असेल त्या वाराचा मालक.अशा प्रकारे हे चार ग्रह त्या विशिष्ट वेळेचे रुलिंग प्लँनेट असतात.वरील चार ग्रहा पैकी जे ग्रह वक्री ग्रहाच्या नक्षत्रात किंवा उप-नक्षत्रात असतात ते सोडुन द्यावे कारण ते परिणाम देत नसतात .वरील ग्रहांच्या अंशात्मक युती मधील ग्रह रुलिंग प्लँनेट म्हणुन स्विकारता येतात.वरील ग्रहांच्या राशी मध्ये जर राहू-केतू असतील तर त्यांना रुलिंग प्लँनेट म्हणुन घ्यावे.रुलिंग प्लँनेट मध्ये लग्न स्वामी अत्यंत महत्वाचा असतो नंतर त्याच्या खालोखाल नक्षत्र स्वामीचे महत्व असते. नंतर पुढच्यांचा क्रमांक लागतो.वरील चार ग्रहांपैकी वक्री असलेल्या ग्रहाला रुलिंग मध्ये घ्यावे.तो मार्गी झाल्यावर फ़ळ देतो.परंतु दिवसात घडणा-या घटनांचा विचार केल्यास असा ग्रह सोडुन देणे योग्य होते.या कॄष्णमुर्ती पध्दतिच्या रुलिंग प्लँनेट नुसार कुठली घटना केव्हा घडेल याचा कालावधी सांगता येतो.या कॄष्णमुर्ती पध्दतिच्या रुलिंग प्लँनेट च्या अभ्यास करतांना मला याचा आँफ़िसात प्रत्यय आला होता. एकदा बाँसला त्याची आई सिरियस असल्याचा फ़ोन आला परंतु आई त्या ठिकाणाहुन लांब दुस-या गावाला त्यांच्या भावा कडे रहात होती त्यात आँफ़िसात मार्च एंडिग असल्यामुळे त्यांनी मला बोलावले व विचारले की माझ्या आईची तब्येत कशी असेल ...मला तिला भेटायला जायचे आहे.आपण मला कुडंली मांडून सांगावे ..मी पंचाग पाहुन कॄष्णमुर्ती पध्दति नुसार रुलिंग प्लँनेट म्हणजे LSRD पाहीले.रुलिंग प्लँनेट मध्ये शनि हा रुलिंग मध्ये आलेला होता त्यामुळे त्यांना मी सांगितले की आपण आत्ताच्या आत्ताच निघायला हवे कारण शनि हा आजारी माणसाला जिंवत राहु देत नाही.त्यानुसार मी म्हटले की आपल्याला आईंची भेट होणे फ़ार अशक्य आहे त्यांनी मलाही सोबत नेले. आम्ही दारात येऊन पाहिले तर काय त्यांच्या आई तर निर्वतल्या होत्या.तसेच एकदा पिकनिकला असतांना माझ्या आँफ़िसातले मित्र हे अचानक पाण्याच्या तलावात पाय घसरुन पडले होते. त्यांचा पाय प्रचंड प्रमाणात सुजलेला होता त्या निसर्ग रम्य स्थळी ऎन रान कोकण ठाणात कुठलीही वैद्यकिय मदत मिळणे दुरापास्त होते .मला ही घटना जेव्हा कळली तेव्हा माझ्या हातात पंचाग होते त्यामुळे मला त्यावेळेचे रुलिंग प्लँनेट माहित होते.मी सहजच पाहिले तर रुलिंग मध्ये शनि-मंगळ होते म्हणजे त्या व्यक्तिला फ़ँक्चर झाले असावे असे स्पष्ट दिसत होते .मी त्यांच्या मुला बरोबर धावत जाऊन म्हटले आपण कृपया आपल्या पायावर ऊठून ऊभे राहू नका आपल्या पायाचे हाड मोडले गेले असावे. त्यां वर ते म्हटले छे..छे..मी तर साध सरकुन पडलो..थोडीफ़ार सुज आहे ..बाकी काही नाही...पण ते शनि-मंगळ का असे पटकन सोडणार? त्यांच्या बोलण्याकडे लक्ष न देता मी जवळच असलेली खाट घेऊन त्याचा वापर स्ट्रेचर सारखा करण्यास सांगितला त्यांना त्यांच्या पुत्राच्या व पत्नी व काही जणांच्या मदतीने कार मध्ये सिटावर बसवले जसे अंतर गेले तसा त्यांचा त्रास वाढु लागला होता ..बस्स आता काही अंतरावर दवाखाना होता. डाँक्टरांनी टेबलावर घेतले पटकन पायाचा एक्स रे काढला ...१५ मिनिटांत तो वाळलेला एक्स-रे डाँक्टरांनी पाहीला तसेच ते गृहस्त जे अगोदर मला म्हटले होते छे हो मला काही झाले नाही त्यांचा चेहरा मात्र बघण्या सारखा झाला होता.केवळ योग्य प्रथमोपचार मिळाल्याने ते लवकरात लवकर बरे झाले..ते माझ्या कडे काही दिवसांनी आले ..स्वतःच्या पायाने चालत..आभार मानायला...तेव्हा मी माझ्या कॄष्णमुर्ती गुरुजींकडे पाहुन नमस्कार केला.त्यांनी जे ४० वर्ष अथक परिश्रम घेऊन ज्योतिष्याशात्रातली कॄष्णमुर्ती पध्दत उदयाला आणली ती किती तंतोतंत आहे याची पावती मला या ऊदाहरणा मधुनच मिळाली होती असे म्हणायला हरकत नाही.
कॄष्णमुर्ती पध्दतिचा अभ्यास असणा-या ज्योतिष मंडळीना कॄष्णमुर्ती पध्दतिचे महत्व पटवून देण्याची गरज नसते पण ज्योतिष्याशास्त्राच्या अभ्यासू वाचकांसांठी कॄष्णमुर्ती पध्दतित रुलिंगचे प्लँनेट महत्व कसे? किती आहे ? हे समजवून देण्याचा प्रयत्न केला आहे.

वास्तु सुख कसे असेल?

2008-06-26T16:22:00.005+05:30

दुपारची वेळ होती माझे कुडंल्याचे रिडींग चालु होते.त्याच वेळी एक जातक आला आणि म्हणाला की माझी कुंडली पाहुन मला भविष्य सांगा .जेव्हा प्रश्न कर्ता परिक्षा घेण्याच्या उद्देशाने आपल्याला प्रश्न विचारतो त्यावेळी अभ्यासू ज्योतिष्याला सर्व बाबी तपासुन योग्य ऊत्तर द्यावे लागते.खर तर कुडंली पाहुन मी त्याला पटकन सांगितले की आपल्या कुडंली नुसार आपल्याला वास्तू सुख मिळत नसावे?तो हे ऎकून चकित झाला...! त्याला म्ह्टले की ज्योतिष्याशास्त्र एक गहन शास्त्र आहे. त्यामुळे अभ्यासू ज्योतिष्याला रिडींग देतांना वास्तु पासुन सुख लाभेल का नाही हे सुध्दा समजू शकते..!त्याला सांगितले की आपण अनेक घर बदलवले असतील! तसेच आपणाला घर सुध्दा लाभदायक ठरत नसावेत असे वाटते.वास्तुशास्त्राचा अभ्यास असल्याने त्याने मला त्याच्या घरी येण्यास विनंति केली.त्यानंतर ठरवलेल्या दिवशी त्याच्या सोबत मी त्याच्या घरी गेलो. घरा समोर तुळशी वृदांवन होते पण त्यातली तुळशी पुर्ण वाळून गेलेली होती. आपल्या ऋषी-मुनींनी सांगितल्या प्रमाणे आपणाला हे सुक्ष्म पणे जाणवू शकते की वास्तुतले स्पंदन कशी असतात? त्या वास्तुत प्रवेश केल्या बरोबर मला अस्वस्थ वाटले.त्या जातकाची कुडंली पाहिल्यावर असे आढळून आले की त्याचा चतुर्थ स्थानातील चंद्र राहुच्या युतीत होता आणि हा चंद्र हा अष्ट्मेश होता.त्यामुळे त्याला वास्तु पासुन सुख लाभत नव्हते त्यामुळे त्याला अस्वस्थ वाटायचे.माझ्या अभ्यासा प्रमाणे ज्या कुणी जातकाला वास्तु सुख लाभत नाही त्यांच्या कुडंलीत चतुर्थ स्थानातील चंद्र हा शनि,राहू,केतूच्या युती मध्ये असतो.कारण चतुर्थ स्थानावरुन,वास्तु सुख ,मातृसुख,वाहन सुख पाहीले जाते.या बाबतीत वास्तुशात्रा प्रमाणे वास्तुचा उतार हा पुर्वे कडे किंवा ऊत्तरे कडेच असला पाहिजे नाही तर वास्तु ज्या जागेवर बांधली असेल त्या जागेचा ऊतार तसा करुन घ्यावा.माझ्या अभ्यासा प्रमाणे ब-याच कारखान्यांचा उतार हा चुकिचा म्हणजे दक्षिण दिशेकडे असल्यामुळे ते कारखाने बंद पडलेले आढळले.त्याच प्रमाणे घराच्या वास्तु मध्ये अग्नेय दिशेकडे किचन आणि ईशान्य दिशेला पाण्याची टाकी जमिनी खाली बांधलेली नसते त्यामुळे मोठा वास्तु दोष निर्माण होतो.कारण येणारी वैश्विक शक्ति ही सुर्य किरणां मार्फ़त पुर्वे कडुन आणि ऊत्तरे कडुन चुंबकिय शक्ति मिळते त्यामुळे पुर्वे कडे आणि उत्तरे कडे घराला जास्तीत जास्त दार व खिड्क्या (दक्षिण दिशा सोडुन) ठेवाव्यात तसेच वायव्य दिशेला toilet बांधावा.वास्तुचा मध्य भागाला ब्रम्ह स्थान म्हणतात त्या जागी कुठलीही वस्तु ठेवु नये ती जागा मोकळी ठेवावी.पुर्वे कडे व उत्तरे कडे जास्तीत जास्त जागा सोडावी तसेच दक्षिण दिशा जड करावी (राँक गार्डन तयार करावे) अशी रचना असल्यास वास्तुत चैतन्य निर्माण होते.

चंद्र ग्रहण योगात असलेल्या कुंडल्या

2008-06-24T21:54:00.007+05:30

माझ्या कडे आलेल्या एका जातकाचा अनुभव असा होता की त्याला सतत काहीतरी भास व्हायचे.त्याच्या सोबत आलेल्या पालकाने सांगितले की ही व्यक्ति काही वर्ष आधी खूप चांगली वागायची पण तो आता ४-५ वर्षा पासुन वेगळाच वागु लागला आहे.तो एकाकी विचार करायचा...मध्येच कुणाशीही बोलत नसे.काम तर मूळीच करीत नव्हता.शिक्षणातही खंड पडला होता.त्याच्या मनावर परिणाम झाला की काय ? किंवा त्याच्या आयूष्यात अशी कुठली एखादी घटना घडली होती ? याचे उत्तर त्या व्यक्ति कडुन मिळत नव्हते..शेवटी त्या जातकाच्या नातेवाईकाला मी त्याची कुंडली मागितली...!
मला जी ऊत्सुकत्ता होती ती खरी ठरली.त्या जातकाची कुंडली अशी होती . त्याच्या कुंडलीत अष्ट्मस्थाना मध्ये चंद्र केतू यांची युती कन्या राशीत होती. चंद्र केतू ग्रहण युतीचे परिणाम वरील प्रमाणे दिसतात.त्यामुळे बुध हा उच्चिचा असुन सुध्दा हा जातक कुठल्याही परिक्षेत पास होऊ शकत नव्हता.कारण चंद्र हा कुडंलीत अत्यंत महत्वाचा ग्रह आहे.अनेक पूर्व जन्मांच्या कर्माचे गाठोडे व अनेक जन्मांचे संस्कार घेऊन हा जातक आलेला असतो.त्यामुळे ही व्यक्ति अशी अचानक वागत असते. तसेच चंद्र ग्रहणात अशा व्यक्तिंची सहन शक्ति कमी असते.बुध ,शुक्र हे ग्रह शनि,मंगळ हर्षल ,नेपचून या पैकी कुणाच्या युति किंवा केंद्र प्रतियोगात असता काही मनोविकृति येऊ शकतात.ज्यावेळा अशुभ ग्रहांची महादशा जर चालू असेल तर कुठल्याही शांती,ऊपासना,अंगठ्या यांचा परिणाम होत नसतो.शेवटी अशा व्यक्तिंना राहू-केतू संबधी महादशा आल्यास जास्तीत जास्त त्रास होतो.त्यामुळे ह्या व्यक्तिंना कौंटूबिंक प्रेम ,जिव्हाळा याची आवश्यकता जास्त असते.संत पुरुषच अशा व्यक्तिंना अध्यात्मिक शक्तिने बरे करु शकतात.पण तसे महात्मे आजच्या कलियुगात मिळणे कठीण आहे.असे योग कुडंलीत असलेल्या व्यक्तिंना अमावस्या तसेच पौरर्णिमेला वेडाचे झटके जास्त येतात .

कर्ज मुक्तिचे काही ऊपाय !

2008-06-23T16:01:00.003+05:30

एक अनोळखी चाळीशीत पर्दापण केलेला गृहस्त घराचा पत्ता शोधत अगदी सकाळी सकाळी माझ्या घरी येऊन बसला .त्यांचा चेहरा हा खुप चिंतातूर दिसत होता.त्याने माझ्या समोर त्याची कुंडली पुढे केली असता माझ्या अभ्यासा नुसार मला एक लक्षात
आले की त्याचे कुंडलीतील ग्रहयोग पाहीले असता तो खूप कर्जबाजारी असावा असे वाटले.मी त्याला स्पष्टपणे सांगितले की आपण खूप कर्जबाजारी आहात असे आपली ग्रहस्थिती कुंडलीत दर्शवित आहे. तो अनोळखी गृहस्थ हे ऎकून फ़ारच चकित झाला !तो म्हणाला आपणास काही सिध्दि वगैरे प्राप्त आहेत का? आपण हारोस्कोप चार्ट पाहुन इतक्या
सहज पणे बोललात!
मी म्हटले..छे हो..कुंडलीचा चांगला रिडर अशा काही गोष्टी सहज सांगु शकतो..!
त्यावर ते हळूचकन म्हटले सर ! आपण एक अभ्यासू ज्योतिषी आहात ..तर मला एक सांगा की मी या कर्जबाजाराच्या संकटातुन कसा मुक्त होईल.?
तो म्हणाला आपण मला याबद्द्ल मार्गदर्शन करा तसेच मी आपला अत्यंत आभारी असेल
त्यानंतर मी त्याला काही उपाय सांगितले..अन त्याने ते चिकाटीने केलेत ...त्यानंतर तो दिड
वर्षांनी कर्जमुक्त होऊन माझ्या कडे आला...त्यावेळी त्याच्या डोळ्यात आनंदाश्रु दाटून आले होते..
त्याला कर्जमुक्त होण्यासाठी मी गेल्या वेळी काही तारखा कर्जफ़ेडी साठी काढुन दिल्या होत्या.त्या म्हणजे ज्या वेळेला अश्विनी नक्षत्रातुन चंद्राचे भ्रमण होते व मेष लग्न उदित होते तसेच अनुराधा नक्षत्रात चंद्र होता व वृश्चिक लग्न ऊदित होते. अशा मुहुर्तावर जर कर्जफ़ेड केल्यास पैसे कुठूना कुठून ...कोणत्याही मार्गाने पैशांची जुळवा जुळव लवकर होऊन कर्ज पटकन फ़िटले जाते..मी सुध्दा कार साठी कर्ज घेतले होते आणि वरील योगांवर कर्जफ़ॆड केली तर मला सुध्दा याचा अनुभव आलेला आहे आपण ही याचा अनुभव घ्यावा.

एका स्नेहयाच्या जीवनातली एक सत्य घटना...!

2008-06-22T13:10:00.008+05:30

१२ जुलै २००६ सांयकाळची वेळ होती....सर्वे जण टीव्ही वर न्युज चँनल वर ताज्या घडामोडी पहात होते...
घटना तशी भंयकरच होती? टी.व्ही वर मुंबई बाँम्ब स्फ़ोटाची न्युज झळकली...मुबंई तशी शांत होती पण आज काय झाले??
मुंबईच्या लोकल मध्ये बाँम्ब स्फ़ोट झाल्याची न्युज झळकली ...माझे स्नेही तसे ताडकन जागे झाले..करण त्यांचा मुलगा व सूनबाई ह्या मुंबईला राहणारे...शिवाय बाँम्ब स्फ़ोटाची घटना घडली ती वेळ त्या स्नेहयांच्या मुलाची आँफ़िस डयूटी वरुन घरी परतण्याची होती...सारे प्रश्न चिन्ह...सा-यांच्या डोळ्यापुढे अंधार पसरला होता.मोबाईलने संपर्क करण्याचा प्रयत्न केला...फ़ोन तर खणखणत होता पण ऊत्तर कुणी देत नव्हते...पुन्हा इकडून १५-२० वेळा वेड्या सारखा प्रयत्न वडीलांनी केला ...झाल कुणी तरी अज्ञात व्यक्तिने फ़ोन ऊचलला...
हँलो हँलो...कोण बोलतंय...???
हं बोला ना !!!
तिकडुन आवाज आला... अन तिथे मुंबईला काय झाले आहे याच वर्णन त्या व्यक्तिने फ़ोनवर केले..
हो...इथे एक माणूस बेशुध्द पडला आहे...फ़ेकला जाऊन...! हा मोबाईल त्याचा तर नाही ना...मी जमा करतो आहे..
फ़ोन कट झाला ..या सा-या गोधंळात सर्वांचे होश उडाले होते..काहीच सुचत नव्हते...त्यानंतर तर मोबाईलचे नेटवर्क एखाद्या ट्रँफ़िक प्रमाणे जाम झाले होते...??
दैवाचा खेळ काहीसा निराळाच होता..!
स्नेहयाने प्राव्हेट गाडीने पटकन मुंबई गाठली... सर्व ठीकाणी आक्रोश ..दुःखाने वातावरण सारे थिजलेले होते..क्षण ही मुलाच्या आठवणींनी गोठून गेले होते....आता काय होईल?...स्नेहयांच्या पायाचा थरकाप ऊडाला...तपास चालू होता..नाव दिले गेले ..फ़क्त मॄतांची ओळख पटवायची ..बस्स...ह्रद्य पिळवटुन टाकणारी घटना घडली...व्हायचे तेच झाले...समोर चित्र विचित्र विखुरलेली बाँडी आली...ही बाँडी आपल्या नातेवाईकाची आहे का ? समोरुन विचारणा झाली..
पण तो मृतदेह ओळखीचा वाटला नाही...??
पुन्हा एक बाँडी आली...पायात घातलेल्या बुटावरुन ती व्यक्ति लांबुनच ओळ्खु आली...!
हो..हाच माझा मुलगा आहे डाँक्टर हा जिवंत आहेना..?..याला वाचवा ना?? ..गयावया करत आमच्या स्नेह्यांच्या अश्रुंचा बांध फ़ुटला......
सार संपल होत ..एक संसार आता उध्वस्त झाला होता...त्यानंतर घरी आणुन मृतदेहावर सर्व सोपस्कार आटोपले गेले..

एक महिन्या नंतर मी त्या स्नेह्यांच्या घरी गेलो...खरतर ते त्या दुखाःतुन कसेबसे सावरले असावे...त्यांचे सात्वंन केले..
त्यानंतर ते म्हटले आपण एक अभ्यासू ज्योतिषी आहात ..मला एक विचारावेसे वाटते की..माझ्या मुलाच्या कुडंलीत असे कोणते योग होते की त्याला असा अपघाती मृत्यू यावा ?खरतर मी त्या मुड मध्ये नव्हतो पण मला एक जाणीव झाली की अशा अपघाती मृत्यूच्या कुडंलींचा अभ्यास करुन पुढे जर आपण त्या व्यक्तिला अगोदर थोडीफ़ार काळजी घ्यायला सांगितल्यास ती व्यक्ति अपघातातुन वाचू शकते काय..तसेच यामुळे आपल्याला पुढे खबरदारीचे ऊपाय मिळू शकतील...कारण ज्योतिष्यशात्र एक मार्गदर्शन करणारे शास्त्र आहे ...!माझ्या समोर त्या बाँम्ब स्फ़ोट अपघातात ठार झालेल्या स्नेह्याच्या मुलाची कुंडली आली.
जन्म तारीख होती ..०४-०५-१९६८ जन्म वेळ रात्री ०९:०५लग्नेश आणि अष्टमेश यांची युती सप्तमात असल्यामुळे प्रथम दर्शनी पारंपारिक ज्योतिष पध्दति प्रमाणे यांच्या मृत्यूला कारण कोणीतरी दुसरे दिसत होते. कारण लग्नेश आणि अष्टमेश यांची (exact conjuction ) युती प्रथम दर्शनी काहीतरी वाईट घडणार असे दर्शविते.
कृष्णमुर्ती पध्दती नुसार माझा अभ्यास.

[[ निरयन स्पष्ट ग्रह ]]

ग्रह राशी अंश नक्षत्र राशीश नक्षत्र स्वामी उप-नक्षत्र स्वामी
लग्न वॄश्चिक २०-३१-२५ जेष्टा मंगळ बुध शुक्र
रवि मेष २०-५४-४३ भरणी मंगळ शुक्र गुरु
चंद्र कर्क ०८-०५-४४ पुष्य चंद्र शनि केतू
मंगळ वृषभ ०३-५३-५९ कृतिका शुक्र रवि शनि
बुध वृषभ ०२-०५-१५ कृतिका शुक्र रवि गुरु
गुरु सिंह ०२-४६-०८ मघा रवि केतू शुक्र
शुक्र मेष ०८-२१-४८ अश्विनी मंगळ केतू गुरु
शनि मीन २५-४१-४९ रेवती गुरु बुध राहू
राहू मीन २४-०५-०७ रेवती गुरु बुध मंगळ
केतू कन्या २४-०५-०७ चित्रा बुध मंगळ मंगळ
हर्षल कन्या ०२-०३-१३ उत्तरा बुध रवि गुरु
नेपचून वॄश्चिक ०२-०९-१४ विशाखा मंगळ गुरु राहू
प्लूटो सिंह २७-०२-३८ उत्तरा रवि रवि रवि
....................................................................................

कॄष्णमुर्ती स्पष्टभाव पध्दति

भाव राशी अंश नक्षत्र नक्षत्र स्वामी उप-नक्षत्र स्वामी

१ वॄश्चिक २०-३१-२५ जेष्टा बुध शुक्र
२ धनू २०-५४-२९ पुर्वाषाढा शुक्र गुरु
३ मकर २३-४६-०९ धनिष्ठा मंगळ मंगळ
४ कुंभ २७-३२-४४ पुर्व भाद्रपदा गुरु शुक्र
५ मीन २८-५०-४७ रेवती बुध शनि
६ मेष २६-०४-५१ भरणी शुक्र केतू
७ वृषभ २०-३१-२५ रोहिणी चंद्र शुक्र
८ मिथुन २०-५४-२९ पुर्नवसु गुरु गुरु

९ कर्क २३-४६-०९ आष्लेषा बुध मंगळ
१० सिंह २७-३२-४४ उत्तरा रवि चंद्र
११ कन्या २८-५०-४७ चित्रा मंगळ शनि
१२ तूळ २६-०४-५१ विशाखा गुरु केतू

कृष्णमुर्ती पध्दती नुसार ८ व्या स्थानाच्या(अष्ट्म)उप-नक्षत्र स्वामीची परिपुर्ण अभ्यास केल्या नंतर मृत्यू हा शांततेत किंवा अपघाती (voilent death) होईल वगैरे इत्यादी समजते परंतु कृष्णमुर्ती पध्दती नुसार अष्ट्म स्थान हे मृत्यू क्लेशामुळे किंवा voilence मुळे होतो असे दर्शविते . म्हणून कृष्णमुर्तींच्या नियमानुसार मृत्यू हा जर आत्महत्येनुसार किवां दुस-याने केलेल्या विश्वासघाताने(assassination) जर घडणार असेल तर..! अष्टमस्थानाचा उप-नक्षत्र स्वामी हा मारक स्थान किंवा बाधक स्थान या दोघा पैकी एकाच्या कार्येशाच्या नक्षत्रामध्ये असला पाहिजे आणि अष्टमस्थानाच्या कार्येशाच्या नक्षत्रा मध्ये सुध्दा असला पाहिजे व उपनक्षत्र स्वामी किंवा उपनक्षत्र स्वामीचा नक्षत्र स्वामी यांचा संबध मंगळाशी असला पाहिजे.कारण मंगळ हा मृत्यूचा(voilent death) कारक आहे.आमच्या प्रत्यक्ष अनुभवा नुसार मंगळा ऎवजी हर्षल चा सुध्दा तोच परिणाम होतो.वरील नियंमाची मिमांसा केल्यावर मला असे लक्षात आले की ही कुंडली तर अगदी स्पष्ट पणे (voilent death) दिसत होती.
voilent death च्या प्रकारात सप्तम स्थानाच्या उपनक्षत्र स्वामीने वरील k.p (कृष्णमुर्ती) नियमांची परीपुर्ती केली पाहीजे कारण सप्तम स्थान हे आपल्या प्रतिस्पर्ध्याचे स्थान आहे.
अशा प्रकारात विश्वासघाताने मारणा-याचे रुलिंग प्लँनेट हे सप्तम स्थानाचे व त्याचे स्वतःचे रुलिंग प्लँनेट मधले सामाईक असतात.वरील हे नियम त्या जातकाच्या कुंडलीली लावले तर असे दिसून येते की अष्टम स्थानाचा उपनक्षत्र स्वामी हा गुरु असुन तो केतूच्या नक्षत्रात आहे.हा केतू हर्षल बरोबर असुन तो बुधाच्या राशी मध्ये असल्यामुळे तो अष्टमेषाचे काम करतो. उपनक्षत्र स्वामी गुरु हा भावचलित कुंडलीत नवम या बाधक स्थाना मध्ये आहे आणि बुध मंगळाची युती असल्यामुळे मंगळाशी
संबधीत आहे (voilent death कारकाशी) त्यानुसार आठव्या स्थानाचा उपनक्षत्र स्वामी हा८ आणि ९(बाधक स्थान) या स्थानाशी व हर्षल ,मंगळाशी संबधीत असल्याने voilent death झालेला आहे.सप्तमाचा उपनक्षत्र स्वामी हा सुध्दा केतू च्याच नक्षत्रात असल्याने ह्या कुडंलीत वरील सर्व नियम सप्तम स्थानाला लागु होत असल्यामुळे वरील जातकाचा रेल्वेच्या फ़र्स्टक्लास बोगीतुन बाहेर पडल्याने मृत्यू झाला आहे.ही घटना शुक्र महादशा आणि शुक्र अंतर्दशे झाली आहे कारण महादशा स्वामी हे मारक स्थान,बाधक स्थान व मंगळ ,हर्षलशी संबधीत आहे कारण शुक्र हा केतू च्या नक्षत्रात व गुरुच्या उपनक्षत्रात असल्यामुळे ही घटना घडलेली आहे.मी सर्व चर्चा त्या स्नेह्याशी केली. त्यांनी मला एक विचारले की पोस्ट मार्टेम रिपोर्ट मध्ये
ही व्यक्ति बाँम्ब स्फ़ोटाच्या तीव्रतेने फ़ेकली गेल्याने प्रथम दर्शनी मृत्यू झाल्याचे दाखवले आहे.पण त्यांना या बाबतीत शंका होती की अगांवर लागल्याच्या कुठल्याही खूणा नसतांना व अंगाला रक्ताचा एक टीपूस डाग नसतांना या व्यक्तिचा मृत्यू कसा व्हावा यावर विश्वास बसत नव्हता म्हणून त्यांनी मला विचारले की याचा मृत्यू नेमका कोणत्या कारणाने झाला असावा?
मी कुडंली परत पाहिली कुडंलीत अष्टमाचा उपनक्षत्र स्वामी हा मृत्यू नेमका कोणत्या कारणाने झाला असावा हे दर्शवितो .
अष्टमाचा उपनक्षत्र स्वामी गुरु हा सिहं राशीत असल्यामुळे व मंगळाची गुरु वर दृष्टि असल्याने गुरु(रेल्वेच्या ड्ब्यातून बाहेर फ़ेकल्या गेल्याने ) तसेच हा गुरु सिंह राशीत असल्यामुळे ह्रद्य क्रिया बंद पडणे दाखवत होता त्यामुळे कारण सरळपणे हेच होते ही ह्रद्य क्रिया(मंगळामूळे चोकअप) बंद पडल्याने मृत्यू झाला असावा असे मी सांगितले .तसेच गुरु हा केतूच्या नक्षत्रात असल्यामुळे व केतू हा हर्षल बरोबर असल्याने मृत्यू हा अकस्मात आणि modern equipementमुळे झालेला आहे.मृत्यू नंतर देहाची विल्हेवाट ही गुरु हा सिहं या अग्निराशीत असल्याने प्रेताचा अंतिम संस्कार हा अग्निडाग देउनच होतो आणि तसेच झाले आहे .गुरु हा नवम स्थानात असल्याने dead body ही लांब ठिकाणाहुन आणली गेली असे कृष्णमुर्ती नियमां प्रमाणे मी स्पष्टपणे त्यांना हे सर्व सांगु शकलो.माझे ज्योतिषशात्रातले गुरु श्री कृष्णमुर्तीजी असल्यामुळे त्यांच्या मुळेच एवढे स्पष्ट पणे मी हे सांगु शकलो त्यांचा मी सदैव ऋणी आणि आभारी आहे.

२१ जून २००८ ’ आज वर्षातला सर्वात मोठ्ठा दिवस

2008-06-21T08:49:00.004+05:30

२१ जून २००८ म्हणजे आजचा शनिवार हा वर्षातला सर्वात मोठ्ठा दिवस आहे आणि २२ डिसेंबरला २००८ वर्षातला सर्वात लहान दिवस असेल याला कारण म्हणजे पॄथ्वीची सुर्याभोवती परिभ्रमणाची कक्षा लंबवर्तुळाकार असल्याने ती जून महिन्याच्या २१ तारखेला सुर्यापासुन जास्तीत जास्त दूर असते आणी २२ डिसेंबरला तीची अशीच स्थिती पहायला मिळते फ़क्त हा दिवस लहान का असतो याचे कारण म्हणजे पॄथ्वीचा आस २३.५* अंश कललेला असल्याने दिवस लहान असतो. आजपासुन उत्तरायण सुरु झाले आहे .

माहिती वाचा:
पॄथ्वीचे एकूण वजन ५.९७६ x १० चा २४ वा घात kg.ईतके आहे.
पॄथ्वीचे सुर्यापासुन चे सरासरी अंतर १.४९६ x १० चा ११ वा घात m, a distance known as the astronomical unit.

गोचर भ्रमण म्हणजे काय?

2008-06-20T16:28:00.002+05:30

गो म्हणजे ग्रह चर म्हणजे चालणे.भविष्य सांगण्यासाठी व भविष्याचा कालावधी सांगण्या साठी याचा उपयोग होतो.कृष्णमुर्ती पध्दती नुसार रविचे भ्रमण संबधीत महादशा स्वामीच्या राशीतुन व अतर्दंशा स्वामीच्या नक्षत्रातुन व विदशा स्वामीच्या उप-नक्षत्रातुन होतांना घटना होत असतात.
पारंपारिक पध्दति नुसार चंद्राचे भ्रमण कुंडलीतुन पाहिले जाते.
असे भ्रमण चंद्रा पासुन पाहिले जाते.
रविचे भ्रमण जन्म चंद्रापासुन ३-६-१० या स्थानी शुभ फ़ल मिळते चंद्र जन्म राशी पासुन १-३-६-७-१० स्थानी शुभ फ़ल देतो.
मंगळ चंद्रा पासुन३-६ स्थानी शुभ फ़ल देतो.
गुरु मुळ कुंडलीतील चंद्रा पासुन २-५-७-९ ,शुक्र १-२-३-४-५-८-९-११-१२ ह्या स्थानी , शनि ३-६ स्थानी,तसेच राहू-केतू चंद्रापासुन ३-६-१० या स्थानी असता शुभ फ़ले मिळतात.
आमच्या अनुभवा प्रमाणे कुठल्याही ग्रहाची गोचर भ्रमणे ही जन्मलग्ना पासुनच पहावी.
चंद्राचे भ्रमण महादशा स्वामीच्या राशीतुन व अंतर्दशा स्वामीच्या नक्षत्रातुन किंवा अंतर्दशा स्वामीच्या राशीतुन व महादशा स्वामीच्या नक्षत्रातुन होत असल्यास शुभ फ़लदायी होते व असे दिवस लाभदायी ठरतात

गोचर शनि ग्रहाचा होणारा परिणाम.

2008-06-19T21:38:00.006+05:30

सध्या गोचर शनि हा ग्रह सिंह या स्थिर राशीतून भ्रमण करीत असून त्याचे परिणाम म्हणजे (ज्या जातकाचा चंद्र किंवा रवि जन्मकुंडलीत सिंह राशी मध्ये असेल किंवा सिंह राशी ६,८,१२ यास्थानां मध्ये असेल अशा जातकांनी आपल्या ह्रद्यासंबंधी (Heart diesease) किंवा रक्त वाहिन्यात ब्लाँकेज होण्याची शक्यता असल्याने हार्ट संबधी आजार असलेल्या व्यक्तिंनी या भ्रमणा दरम्यान विषेश काळजी घ्यावी तसेच काळजी म्हणून हाँस्पिटल मध्ये जाऊन आपले चेक अप करुन घ्यावे.
मेदनिय ज्योतिषा प्रमाणे पृथ्वीला मेदिनी असे म्हणतात.तरी मेदनिय ज्योतिषा प्रमाणे भारताच्या मकर कुडंली मध्ये आँगष्ट ,सप्टेंबर या कालावधीत शनि मंगळाची युती अष्ट्म स्थानात होत आहे त्याचे परिणाम स्वरुप भारतात जास्त प्रमाणात अपघात (Accident) होतील.

रत्ने gems अणि त्यांचे परिणाम...!

2008-06-18T20:29:00.009+05:30

धन्यवाद वाचक वर्ग हो...!आपण माझ्या ब्लाँगला जो भरभरुन प्रतिसाद दिला त्याबद्दल मी आपला अत्यंत आभारी आहे आपल्या मुळे या ब्लाँगची वाचकांची संख्या तर आजवर फ़क्त काही दिवसात ३००८ वर पोहोचली आहे अन ती वाढतेच आहे .पुनश्च मी आपले आभार मानतो....सादर आहे एक नवीन विषय....वाचा तर मग....>

मानवी जीवन हे अनेक दुःखाने भरलेले आहे .प्रसिध्द साहित्यिक गदिमांनी म्हटलेच आहे की पराधिन आहे जगती पुत्र मानवाचा....दोष न कुणाचा..!
मानवाच्या पाठी तीन भव रोग लागले आहेत ते म्हणजे आधी...व्याधी...नि ऊपाधी...! आधी म्हणजे मनाचा रोग...व्याधी म्हणजे शारीरिक रोग...ऊपाधी म्हणजे धनाचा रोग त्यासाठी उपाय म्हणुन ॠषी-मुनी हे
अत्यंत दयाळू असल्याने त्यांनी ह्या परिहारा साठी मानव जातीवर अनंत उपकार करुन ठेवले आहेत.त्यांनी मणि..मंत्र..औषधी हे त्यावर तिन उपाय सुचवले आहेत. मणी म्हणजे रत्न(gems) हे आहेत.
कृष्णमुर्तीच्यां theory प्रमाणे सर्वांनांच रत्नांचा लाभ होत नाही.जातकाच्या जन्मकुंडली नुसार जी महादशा चालु असेल त्यावर गुरु चा लाभ योग किंवा नवपंचम योग असेल किंवा दॄष्टीयोग असेल तरच रत्नांचा फ़ायदा आपणास
अनुकुल होऊ शकतो.
काही ज्योतिषी अभ्यास नसल्यामुळे चुकिचे रत्ने वापरावयास सांगतात.
माझ्या कडे एक जातक घाई घाईत आला. त्याचा चेहरा भयभीत होता पण त्याचा हाताला फ़ँक्चर झाले होते. प्रथम त्याला पाणी प्यायला देउन शांत केले आणि मग त्यांना विचारले की आपण या अगोदर कुठल्या तरी ज्योतिषा कडे गेला होता का?
त्यावर ते पटकन मला म्हटले की आपण कस बरोबर ओळखल...! ते म्हटले आपण कसे काय ओळखले..?
मी म्हटलो..ते जाऊ द्या ..पण तुमच्या हातात जो निलमचा खडा(रत्न) आहे ते आपल्या कुंडली नुसार योग्य नसल्यामुळे आपली ही अवस्था झाली आहे..तरी आपण तो आत्ताच्या आत्ता काढुन फ़ेकावा..
हे एकून तो जातक फ़ार चकित नि गंभीर झाला...त्याला मी सांगीतले की आपण या पुढे योग्य ज्योतिषा कडुनच रत्ने घ्यावीत नाही तर ‘निम हकिम खतरे जान’ या म्हणी प्रमाणे आपले आता तसेच झाले आहे..
त्यावर ते म्हटले‘ मी आपला अत्यंत आभारी आहे..तरी आता आपण मला आधी हे सांगा की मी आता रत्न वापरु की नको..?
ते म्हटले .... आणि वापरायचे असल्यास मला कोणती रत्ने लाभकारक ठरतील?
त्यावर मी त्याला सर्व कुडंली पाहुन सांगितले की आपल्या कुडंलीप्रमाणे निलम हे शनिच रत्न आपणाला सुटच होत नाही.
त्यामुळे आपण कुठलेही रत्ने तज्ञ ज्योतिषाच्या सल्ल्यानुसारच वापरावे; अन्यथा कुणी तरी सहज सांगितले, ‘आणि आम्ही घेतले’..! असे म्हणणारे मात्र ऊगाचच दुष्परिणांमाना सामोरे गेली्त अन आज जे घडले ते अनेक जण सांगत असतात तेव्हा ज्योतिषांने सुध्दा खडे सांगतांना या बाबतीत काळजी घेणे महत्वाचे आहे.

ग्रहांचे रत्ने आणि त्या पासुन मिळणा-या वैश्विक किरणे इत्यादी माहिती खाली दिली आहे.
ग्रह प्रमुख रत्न इंग्रजी नावे वैश्विक किरणांचा रंग
रवि माणिक Ruby तांबडा
मंगळ पोवळे Coral पिवळा
बुध पाचू Emerald हिरवा
शुक्र हिरा Diamond पारवा
चंद्र मोती Pearl नारिंगी
शनि नीलमणी Blue sapphire जाभंळा
गुरु पुष्कराज yellow sapphire निळा
राहू गोमेद agate अतिनील (Ultraviolet)
केतू लसण्या cat`s eye अतितांबडा (Infrared)

रत्ने हे किमान किती कँरेट्चे वापरणे आवश्यक आहे?
साधारणतः रत्ने ही अडीच ते तीन कँरेट असावीत .माझ्या मते आपण केवळ रत्नांच्या किमंती म्हाग आहे म्हणुन कमी वजनाची घेउन वापरु नये त्याचा फ़ायदा होत नाही.हिरा याला अपवाद आहे हे रत्न खुप महाग आहे ते

आपण १० सेंट ते ३० सेंट पर्यंत घेऊ शकतात.

किती मिली ग्रँम म्हणजे १ एक कँरेट होईल?२०० मिलीग्रँम = १ एक कँरेट हे लक्षात घ्यावे.
१ एक कँरेट = १०० सेंट.
रत्ने हे कुठल्या हातात वापरावे?
रत्न ही ऊजव्या हाताच्या बोटां मध्ये वापरावीत.

अगंठी घालण्या अगोदर काय करावे?अगंठी तयार झाल्यावर त्यात बनवणा-या कारागिराचे अशुध्द कंपन त्या अगंठीत ऊतरलेले असतात म्हणुन अगंठीला शुध्द करणे आवश्यक आहे.

अगंठीला शुध्द कसे करावे?अगंठीला शुध्द करण्यासाठी आपण त्याग्रहाचे मंत्र कमीत कमी ११ वेळेस म्हणावे तत्पुर्वी अंगठी ही शुध्द गाईच्या दुधात रात्र भर ठेवुन हा विधी करावा आणि समजा रविची अंगठी असेल तर रविवारी सुर्योदया नंतर एक तासाच्या आत ती बोटात घालावी.त्याप्रमाणे चंद्राचा मोती सोमवारी घालावा तसेच ईतर ग्रहांचे नाव व वार लक्षात ठेवा व त्यावारी्च ते हाताच्या बोटात घालावे.

नववांश कुडंली कशी पहावी?

2008-06-16T11:35:00.005+05:30

दिसत नसल्यास वरील कुडंलीवर क्लिक करावे

नवमांश कुडंली काढतांना राशीतत्वे विचारात घ्यावी लागतात ऊदा. १-मेष,५-सिहं-९-धनू या अग्नि राशी असून त्यांचा नवमांश मेष राशी पासून सुरु होतो.
२वृषभ-६कन्या-१०मकर या पॄथ्वीतत्वाच्या राशी असुन त्यांचा नवमांश १०-मकर राशी पासून सुरु होतो.

३मिथुन-७तुळ-११कुभं या वाय़ुराशी असुन त्यांचा नवमांश ७तुळ राशी पासून सुरु होतो.

४कर्क-८वॄश्चिक-१२मीन या जलराशी असुन त्यांचा नवमांश ४कर्क राशी पासून सुरु होतो.

वरील नियमा नुसार आपण दिलेल्या वरील जन्म कुडंलीत वॄश्चिक लग्न आहे व ते पहिल्या चरणा मध्ये असल्यामुळे ते कर्क नवामांशा पासुन सुरु होईल त्या प्रमाणे उदारहरण कुडंलीत कर्क नवामांश लग्न दाखवुन त्या नुसार नवामांश कुडंली काढली आहे .
नवामांश कुडंलीला फ़ार महत्व असते.नवामांश कुडंली वरुन ग्रहांचे बल व वैवाहिक जीवना विषयी माहिती कळते.

कुडंली वरुन नातेसंबध कसे काय ओळखावे.?

2008-06-15T13:09:00.002+05:30

कुडंलीला अधिक स्पष्ट्पणे पहाण्या करीता त्यावर क्लिक करा.
सामान्यतः कुडंली वरुन नातेसंबध कसे काय ओळखावे यासाठी सोबतच्या कुंडलीतील भाव पाहुन आपण परस्परांमध्ये संबध कसे असतिल ते समजू शकता.

प्रश्न वाचकांचे-उत्तर आमची.

2008-06-13T17:54:00.005+05:30

अभिजित
धन्यवाद .
आपल्या विचारलेल्या प्रश्नांची ऊत्तरे देत आहोत.
**प्रश्न १)गुणमेलन कोष्टकावरुन मृत्यूषडाष्टक योग कसा काय समजतो?
अभिजित आपण दाते (मोठे चालू वर्षाचे) पंचागांत पान नं. १० वर सद्सत्कूटकोष्टकानि या कोष्टकात अथ प्रितिषडष्टकं व अथ मॄत्युषडष्टकं ह्या उप-मथळ्या खाली ही सर्व माहिती दिलेली आहे तत्पर्वी आम्हीही pictorial graphicalव कुडंली काढुन ही माहिती अगोदर सोदाहरणासह स्पष्ट केलीली आहे.दाते (मोठे चालू वर्षाचे) पंचागांत पान नं. १० वर एकुण आठ कुटे दिलेली आहेत आणि प्रत्येक कुटानुसार त्याच्यात गुण दिलेले आहेत.वधु-वरांच्या जन्म राशी नक्षत्रानुसार किती गुण जमतात याचे घटीत गुण-मेलन कोष्टक प्रत्येक पंचांगात दिलेलेच असते कॄपया त्याचे अवलोकन व्हावे.त्या साठी कुंडली पहायलाच हवी पण कुडंली नसल्यास वधु-वरांचे जन्म राशी नक्षत्र माहिती असावे लागते त्यासाठी स्पष्ट चंद्र किती अंशा मध्ये आहे याची माहिती लागते आणि पंचांगाच्या अवकहडा चक्रा मध्ये स्पष्ट चंद्रावरुन ह्या गोष्टी कळतात त्यामुळे आम्ही या प्राथमिक गोष्टी लिहीणे अगत्याचे समजले नाही.परंतु नुसत्या गुणमेलन कोष्टकावरुन विवाह जुळविणे धोक्याचे आहे असे आमचे मत आहे. यासाठी आणखीन कृष्णमुर्ति पध्दति प्रमाणे सुक्ष्म नियम लावुन योग्य निर्णय देता येतो. तसेच ग्रह मेलनही तितकेच महत्वाचे आहे त्यासाठी आपण कुणाचे वैयक्तिक प्रश्न असल्यास तसा ई-मेल करावा या संदर्भात आपणास हवे असल्यास सशुल्क मार्गदर्शन ऊपलब्ध होईल.
प्रश्न २** मुलाचे नक्षत्र चरण आणि वधुचे नक्षत्र चरण इतक्याच माहीती वरुन हा योग आहे की नाही हे कसे समजते? आपणास नक्षत्र चरणावरुन वधु वरांच्या चंद्र राशी समजतील आणि चंद्र राशी वरुन आपणास आम्ही आमच्या ब्लाँगवर explain केलेल्या प्रमाणे मृत्यूषडाष्टक योग कसा होतो ते सोप्या पध्द्तीने जास्त कळेल.
तज्ञ,अनुभवी ज्योतिष्यांना ही बाब तात्काळ समजुन येते.ऊदा. मघा नक्षत्र दिले असेल तर त्याची सिंह राशी असेल असे समजु शकेल.

नोकरी किंवा व्यवसाय ?

2008-06-12T14:27:00.003+05:30

कुडंलीत प्रामुख्याने दशमस्थाना मध्ये असलेल्या ग्रहानुसार जातकाला संपत्तिचा लाभ होतो.दशमा मध्ये रवि असला तर त्या जातकाला पित्या कडुन संपत्ती प्राप्त होते.चंद्र असल्यास आई कडुन जातकाला लाभ होतो.
मंगळ असलातर शत्रु पासुन लाभ होतो.
बुध असला तर मित्रांकडुन .
गुरु असला तर भाऊ.शुक्र असेल बायको पासुन.
शनि असेल नोकर वर्गांकडुन लाभ होतो.इतरांच्या मतानुसार लग्न,चंद्र,रवि यांच्या पासुन जो दशमस्थानाचा जो बलवान स्वामी असेल तर तो ज्या नवमांशात असेल त्या स्वामी नुसार धंदा असतो.
१)जर नवमांशाचा स्वामी जर रवि असेल तर जातक औषधी,गवत,लोकर,पाणी,धान्य,मोती,सरकारी नोकरी किंवा सरकार मध्ये मंत्री.
२)जर नवमांशाचा स्वामी जर चंद्र असेल तर जातक पाण्यापासुन ऊपन्न होणा-या वस्तुंचा वापर करतो.शेती,कपडे वगैरे.
३)जर नवमांशाचा स्वामी जर मंगळ असेल तर जातक ओतकाम, फ़ोर्जींग,युध्द,शिपाई इत्यादी धंदा करतो.
४)जर नवमांशाचा स्वामी जर बुध असेल तर जातक कला,काव्य,जोतिष्य,वेध, दुस-यासाठी मंत्र म्हणतो तसेच पुजारी होतात.
५)जर नवमांशाचा स्वामी जर गुरु असेल तर जातक टीचर,पुरोहित,कायदेतज्ञ ,वकिल होतो.
६)जर नवमांशाचा स्वामी जर शुक्र असेल तर जातक हत्ती,पाळीव जनावरे,गुळ,इत्यादींचा धंदा करतो.
७)जर नवमांशाचा स्वामी जर शनि असेल तर जातक वखार,सुतार काम,नोकर ऊद्योग,मजुर होतो.
८)कुडंलीतील दशमास्थानातील दशमेशाचा नवमांश स्वामी जर शुभ ग्रह असेल तर तो जातक दुस-याला फ़ायदेशीर ठरतो.कुडंलीतील दशमास्थानातील दशमेशाचा नवमांश स्वामी जर अशुभ ग्रह असेल तर तो जातक दुस-याला नुकसानकारक ठरतो.आमच्या अनुभवा प्रमाणे जातकाच्या नवमांश जन्म लग्न कुडंली काढावी आणि त्या नवमांश कुडंलीचा दशमेश जन्म कुडंली(ठोकळा) मध्ये ज्या राशीचा व स्थाना मध्ये असेल त्या प्रमाणे नोकरी, व्यवसाय असतो.कृष्णमुर्ती पध्दती नुसार जन्मलग्न कुडंलीच्या दशमस्थानाच्या उप-नक्षत्र स्वामी नुसार जातक नोकरी किंवा व्यवसाय करेल हे समजते आणि दशमस्थानाचा स्वामी आणि दशम स्थानातील नक्षत्र स्वामी नुसार व त्याच्या कार्यकत्वा नुसार नोकरी किंवा व्यवसाय समजतो.

वाचकांच्या काही महत्वाच्या प्रश्नांना दिलेली ही उत्तर

2008-06-11T09:58:00.006+05:30

वाचता येत नसल्यास वरील कुडंली वर क्लिक करा व मोठी करुन पहा.

भविष्याचि गुरुकिल्ली या मराठी भविष्याच्या ब्लाँगला वाचकांचा उदंड प्रतिसाद मिळतो आहे .माझ्या भविष्याच्या ब्लाँगला वाचकांनी काही प्रश्न विचारले आहेत.वाचकांच्या काही महत्वाच्या प्रश्नांना दिलेली ही ऊत्तर

वाचकांचे प्रश्न :
धन्यवाद अभिजीत ! आपण विचारलेल्या प्रश्नांची ऊत्तरे देत आहोत.
आपण विचारले आहे.
मृत्यूषडाष्टक म्हणजे नक्की काय असतं? जन्मलग्न कुडंलीत चंद्र व जन्मलग्न यांच्या परस्पर कुडंल्या मध्ये वरील आकृतित दाखविल्या प्रमाणे षडाष्टक
योग झाले असल्यास अशा योगांना मृत्यूषडाष्टक योग म्हणतात.

या योगात लग्न केले असता नेमका काय दुष्परिणाम होतो.?
पति -पत्नी यांच्यांत आपसात भाडंण होतात,एकमेकांना पटत नाही.भाडंण होतात .जीवन सुसह्य होत नाही. आयूष्यभर भाडंण होतात.

या योगा मुळे कोणाचा मृत्य़ू संभवतो की काय?या योगा मुळे कोणाचाही मृत्य़ू होत नाही.कुडंलीत केवळ या योगा मुळे कोणाचा तरी मृत्य़ू होतो ही एक भ्रामक कल्पना आहे.
फ़ार तर पति -पत्नी यांच्यांत आपसात बेबनाम होते.पति -पत्नी यांच्यात दुरावा निर्माण होऊन याची परीणति म्हणजे शेवटी घटस्फ़ोट होतो.

वैवाहिक जीवनातील गुण मेलन !

2008-06-10T17:08:00.004+05:30

वरील कुडंलीवर क्लिक करुन मोठी करुन वाचा.

इंग्रजीत एक अशी सुप्रसिध्द म्हण आहे की Marriages are made in Heaven असे असले तरी सुध्दा लग्न ही पत्रिकेनुसारच जूळवले जातात म्हणुन ज्योतिषाने चांगल्या प्रकारे वधु-वराची पत्रिका मेलन करुनच विवाह जुळ्वणे योग्य होईल. वधु-वर गुण मेलन व वधु-वर पत्रिका मेलन यात फ़ार फ़रक आहे. दोन पत्रिकांमध्ये चांगले गुण मिळालेले असतांना सुध्दा काहींचे घटस्फ़ोट झालेले असतात कारण नुसते ठोकळा कुंडली वरुन गुणमेलन केलेले असते.पत्रिकेमधील ग्रहांचे योग पाहीलेले नसतात.आपल्याकडे परंपरागत गुणमेलन पध्द्त स्विकारली गेली आहे.वधु-वरांच्या जन्म राशी व जन्म राशी नुसार आठ कूटे पाहुन त्यांना गुण दिले जातात.त्यानुसार १८ च्या वर गुण मिळाल्यास पत्रिका विवाहयोग्य ठरविली जाते.परंतु ग्रहमेलना नुसार वधु-वरांच्या जन्मलग्न राशी ह्या परस्परांपासुन २,६,८,१२ या स्थानात नसाव्यात म्हणजेच षडाष्टक किंवा द्विर्द्वादश योग नसावा.
दोघांच्या चंन्द्र राशी सुध्दा एकमेकांपासुन २,६,८,१२ स्थानी नसाव्यात.
वरील बाबतीत लग्नराशी मैत्री व चंद्र राशी मैत्री याला अपवाद आहेत. एकाच ग्रहांच्या राशी षडाष्ट्क योगात किंवा द्विर्द्वादश योगात असतील तर त्यांचे राशी स्वामी एकच असल्यामुळे त्यांच्या स्वभावात व मतात विचार भिन्नता नसते तेव्हा अशा पत्रिका सुध्दा जुळवाव्यात.त्याच प्रमाणे एक नाडी दोष सुध्दा वधु वरांच्या पत्रिके मध्ये असला तर सखोल अभ्यास करणे आवश्यक आहे.
वैवाहिक सौख्य ,संतति सौख्य, कामजीवन ,आरोग्य ,आयूष्य या गोष्टींचा सुध्दा पत्रिकेमध्ये सखोल अभ्यास करणे आवश्यक आहे.

साडेसाती म्हणजे काय?

2008-06-09T12:51:00.004+05:30

वरील कुडलीं मोठी करुन पहाण्यासाठी तिच्यावर क्लिक करावे

साडेसाती म्हणजे काय?
कुंडलीत साडेसाती किती वर्ष असते?
२००८ मध्ये कोण-कोणत्या राशींना साडेसाती आहे?
साडेसातीत काय वर्ज करायला सांगीतले जाते?
साडेसातीत कोणत्या देवतेची उपासना करण्यास सांगितली गेले आहे?
कुंडलीत साडेसाती असतांना आपण कसे रहावे?

चंन्द्र हा मनाचा कारक असल्यामुळे शनि या पापग्रहामुळे साडेसाती असलेल्या जातकाची मानसिक स्थिती खराब होते.मनावर नियंत्रण राहत नाही.
चंन्द्राच्या ४ थ्या आणि ८ व्या स्थानामध्ये शनि असल्यास त्याला अर्ध साडेसाती किंवा पणौति असे म्हणतात.
या कालात जातकाला आर्थिक ,मानसिक आणि अपघात होणे अशा स्वरुपाचा खुप त्रास होतो.

कोणत्या राशींना साडेसातीचा त्रास जास्त होतो?
सर्व साधारणपणे मेष,सिह,धनु या अग्निराशींना व कर्क,वॄश्चिक,मीन या जलराशीं मध्ये चंन्द्र असलेल्या जातकांना जास्त त्रास होतो.

साडेसातीत काय वर्ज करायला सांगीतले जाते?
साडेसातीत शनि या देवतेचे दर्शन घेऊ नये. कारण पौराणिक वाल्मिकी रामायणात केलेल्या ऊल्लेखा प्रमाणे रावणाच्या पायाखाली असलेल्या नऊ ग्रहां पैकी शनि या ग्रहाची दॄष्टी रावणावर पडल्याने बलाढ्य रावणावर अनेक संकटे येऊन त्याचा सर्वनाश झाला.

शनि साडेसाती मध्ये माणसाचे गर्वहरण,अहंकार नष्ट करुन त्याला वठणीवर आणायचे काम करतो.म्हणुन शनिला फ़ौजदार म्हटले जाते.

साडेसातीत कोणत्या देवतेची उपासना करण्यास सांगितली गेले आहे?
साडेसातीत हनुमान या वायु देवतेची उपासना करण्यास सांगितली गेले आहे. कारण हनुमान हा शनिच्या
डोक्यावर बसला होता अशी कथा आहे म्हणुन हनुमानाची भक्ति ,ऊपासना साडेसातीत केली जाते.
साडेसातीत हनुमान चालिसा वाचावी. मारुति हा रुद्राचा अवतार आहे आणि सप्तचिरंजीवां पैकी एक आहे.साडेसातीत शिव शंकर महादेवाची ऊपासनाही केलेली चालते.

कुंडलीत साडेसाती असतांना आपण कसे रहावे?
साडेसातीत सत्य बोलावे कुठलेही वाईट काम करु नये.भ्रष्टाचार करु नये नाहीतर त्रास संभवतो.

..........................................
वाचा आगामी आर्टिकल ...वैवाहिक जीवनातील गुण मेलन !

कालसर्प योग विधी

2008-06-08T13:55:00.001+05:30

कालसर्प योगाच्या परिहारा साठी पवित्र नदीच्या संगमावर किंवा नाशिक जिल्हातील त्रंबकेश्वर या ठिकाणी
नारायण नागबली विधी करावा.
त्रिपींडी हा विधी पुर्वजांच्या शाप निवारणार्थ केला जातो.

कालसर्प योग

2008-06-07T17:55:00.003+05:30

सुर्य आणि चंन्द्र भ्रमणाच्या कक्षावृत्ताच्या अवती भवती जे दोन संपात बिंन्दू होतात त्या दोन्ही बिदूंना ज्योतिष्यशास्त्रात ग्रहांचे स्थान देण्यात आले आहे उर्ध्वबिदूंला राहू आणि अधःबिदूंला केतू अशी संज्ञा देण्यात आली आहे.
मेदनिय ज्योतिष्यशास्त्रा प्रमाणे कालसर्प योगामुळे जगामध्ये भुंकप,बाँम्ब स्फ़ोट, राजकिय उलथापालथ होत असते.
कालसर्प योग हा राहू केतू च्या मध्ये एकाच बाजुला सर्व ग्रह असता त्यास कालसर्प योग म्हणतात.
कालसर्प योगाची कुंडली धारकाला जीवनात अनेक चढऊतार संभवतात,भाग्योदयात अडथळे येतात आयूष्यभर त्या व्यक्तिला संघर्ष करावे लागतात.
कालसर्प योगाचे दोन प्रकार आहेत १) कालसर्प योग म्हणतात २) अर्धचंन्द्र योग.
कालसर्प योगामुळे प्रगतित अडथळे येतात परंतु अर्धचंन्द्र योगामुळे सुखात व समृध्दित वाढ होते.
कुडंलीत २,६,८,१२ स्थाना मध्ये राहू किवां केतू असतील त्याच्या एकाच बाजुला व एकाच गोलार्धात जर सर्व ग्रह असतील (अपवाद हर्षल नेपच्यून सोडुन) आणि जन्मतः राहू वक्र गतिने सर्व ग्रहांना गिळंकॄत करीत असेल
तरच कालसर्प योग होतो. आणि याच्या उलट अशी परीस्थीती असेल तर कालसर्प योग न होता अर्धचंन्द्र होतो व हा शुभ फ़ले देतो.

ग्रहांचा दॄष्टियोग आणि प्रत्येक ग्रहांना दिलेल्या राशी

2008-06-05T10:54:00.004+05:30

कुडंली वर क्लिक करावे.
ग्रहांचा दॄष्टियोग: कुठला ग्रह कुठल्या स्थानावर बघतो. ( लक्षात ठेवावे )
मंगळ (ज्या स्थानात असतो त्या स्थानावरुन ) ४,७,८ या स्थानावर पहातो.
गुरु (ज्या स्थानात असतो त्या स्थानावरुन ) ५,७,९ या स्थानावर पहातो.
शनि (ज्या स्थानात असतो त्या स्थानावरुन ) ३,७,१० या स्थानावर पहातो.
रवि,चंन्द्र,शुक्र,बुध हे ग्रह स्वस्थानापासुन फ़क्त (ज्या स्थानात असतो त्या स्थानावरुन ) ७ या स्थानावर पहातो.

प्रत्येक ग्रहांना दिलेल्या राशी पहा: मंगळ १,८ (म्हणजे मेष, वॄश्चिक )
चंन्द्र ४ (म्हणजे कर्क )
बुध ३, ६ (मिथुन ,कन्या)
गुरु ९,१२ (धनु, मीन)
शुक्र २,७ ( वृषभ,तुळ)
शनि १०,११ ( मकर,कुंभ)
रवि ५ ( सिंह )

कुंडलीतील त्रिकस्थान ६,८,१२

2008-06-03T17:03:00.001+05:30

वरील कुंडली स्पष्ट दिसत नसल्यास त्यावर क्लिक करावे.

कुंडलीतील त्रिकस्थान ६,८,१२ ही स्थान मानवी जीवनामध्ये दुःख निर्माण करणारे स्थान आहेत.
६ व्या स्थानावरुन कुठला आजार होणार आहे हे समजते.
८ व्या स्थानावरुन घात-अपघात (danger) ,कुठल्या प्रकारे मरण येईल ईत्यादी गोष्टींचे स्वरुप कळते.
१२ व्या स्थानामध्ये हाँस्पिटल मध्ये जाण्याची पाळी केव्हा येईल हे कळते.

मोक्ष त्रिकोण

2008-06-02T09:53:00.000+05:30

वरील कुंडली दिसत नसल्यास तिच्यावर क्लिक करावे.

मोक्ष त्रिकोणात शुभग्रह असल्यास जातकाची प्रगती ,आत्मसाक्षात्काराकडे वाटचाल होते.

काम त्रिकोण

2008-06-01T09:20:00.003+05:30

सूचना: वरील कुंडलीवर दिसत नसल्यास क्लिक करावे.

काम त्रिकोणात ग्रह असल्यास जातकाची वॄत्ती कामप्रवॄत्तीप्रद असते किंवा यांचे मालक ३,७,११ या स्थानात असले तर तोच परीणाम होतो.

अर्थ त्रिकोण

2008-05-31T06:03:00.001+05:30

अर्थ त्रिकोणात शुभ ग्रह असल्यास जातकाची आर्थिक स्थीति चांगली असते.किंवा यांचे मालक २,६,१० या स्थानात असले तर तोच परीणाम होतो.

धर्म त्रिकोण

2008-05-30T14:48:00.002+05:30

धर्म त्रिकोणात शुभ ग्रह असल्यास जातक धार्मिक वॄत्तीचा असतो किंवा यांचे मालक १,५,९ या स्थानात असले तर तोच परीणाम होतो.

वरील कुंडली वाचता येत नसल्यास तिच्यावर क्लिक करावे.

पणफ़र आणि आपोक्लिन स्थान

2008-05-29T20:11:00.001+05:30

पणफ़र स्थानात अशुभ ग्रह असल्यास तरुण वयात जीवनात त्रास होतो.
द्वितिय स्थान (धन स्थान) ,पंचम स्थान हे शेअर्स,संतत्ती वगैरेचा लाभ दाखवतो,अष्टमस्थान हे इन्शुरन्स ,लाच-लुचपत वगैरे पासुन लाभ दाखवतो.मॄत्युचे स्वरुप कळते. अकरावे स्थान हे उद्योग धंद्यापासुन लाभ दाखवतो.

आपोक्लिन(३,६,९,१२) स्थानात मध्ये अशुभ ग्रह शनि,मंगळ ,राहु ,केतू असले तर म्हातारपण कष्ट्प्रद जाते.

पंचमहापुरुष योग

2008-05-28T17:27:00.003+05:30

केन्द्रं स्थानात शुभ ग्रह (उदा.बुध,गुरु,शुक्र,चंन्द्र ,गुरु ) व अशुभ ग्रह (उदा.शनि, मंगळ) उच्चीचे असल्यास किंवा स्वराशीचे असल्यास पंचमहापुरुष योग होतो.त्यामुळे जातकाला जीवनामध्ये उच्च अधिकार योग व संपत्ती प्राप्त होते.

वरील कुडंली वाचता येत नसल्यास कुडंलीवर क्लिक करावे

कुडंली रेखाटण्याच्या च्या दोन भारतीय विविध पध्दति

2008-05-26T20:44:00.005+05:30

कुडंली वाचता येत नसेल तर तिच्यावर क्लिक करा.

कुडंली वाचता येत नसेल तर तिच्यावर क्लिक करा. कुडंली रेखाटण्याच्या च्या या दोन भारतीय विविध पध्दति आहेत.

मंगळ प्रधान व्यक्तिची कुंडली

2008-05-22T21:09:00.003+05:30

(वरील कुंडली वाचता येत नसल्यास तिच्या वर क्लिक करावे.)
मंगळ प्रधान व्यक्तिची कुंडली (माझ्या ब्लाँगवर मला वाचकांनी विचारले की मंगळ प्रधान व्यक्तिविषयी आपण माहिती सांगावी त्यासाठी आपण खालील उदा.पहावे.)

जन्म कुंडलीमध्ये 1,4,7,8,12 स्थानी मंगळ असल्यास त्या कुंडलीला मंगळाची कुंडली म्हणतात.
मंगळाच्या दोषाला कुज दोष किंवा भौम दोष म्हणतात.एखाद्याच्या कुंडलीत मंगळ दोष असल्यास जोडीदाराच्या कुडंलीत सुध्दा मंगळ दोष असायला पाहिजे असा एक समज आहे अन्यथा वैवाहिक सौख्य बिघडते असा एक समज आहे त्यात फ़ारसे तथ्य नाही.तसेच 1,5,7,10 या स्थानी शनि असल्यास मंगळाचा दोष नाहीसा होतो असा गैरसमज रुढ आहे.
माझ्या मते मंगळ 1,4,7,8,12 या स्थानात स्वराशीत किंवा उच्च राशीत असल्यास मंगळाचा दोष अशुभ फ़ळे देत नाही.अन्य राशीत पाप ग्रहांनी युक्त किंवा पाप ग्रहांनी दृष्ट मंगळ असल्यास वाईट फ़ळे मिळतीलच.
तसेच मंगळ 1,4,12 या स्थानात असेल व सप्तमात देखील एखादा पाप ग्रह असेल तरच वैवाहिक सौख्य बिघडेल.
लग्न स्थानातील मंगळ व्यक्तिला तापट ,अविचारी बनवतो.अशा व्यक्तिला जोडीदार शांत व नमते घेणारा मिळाला तर लग्न स्थानातील मंगळ फ़ारसा ताप दायक होणार नाही त्यामुळे जोडीदाराच्या कुंडलीत मंगळ नसला तरी चालेल.
चतुर्थ स्थानात मंगळ असल्यास घरात भांडण होतात. सासु-सुन ,नंणद भाउजयी यांच्यात भांडण होतात.
एकत्र कुंटुंब पध्दतीत यांचे कुणाशीही पटत नाही.दोघं पती-पत्नीने वेगळे घर थाटल्यास मंगळ दोष त्रासदायक ठरणार नाही.
व्यय स्थानातील मंगळ कामवासना प्रबळ करतो आणि खर्चीक वृत्ती दर्शवितो.मात्र व्ययात मंगळ असणारी स्त्री पतीला सुख देणार नाही तसेच तिच्या लहरी प्रमाणे ती पतीला सुख देईल.
व्यय स्थानातील शुक्र,मंगळ असलेले स्त्री-पुरुष नीतीने वागत नाही.
ज्या स्त्रींयांच्या कुंडलींत मंगळ शुक्राच्या किंवा बुधाच्या राशीत असेल आणि त्यावर बुध ,शुक्र ,शनि,राहू, नेपच्यूनचा युति योग किंवा दॄष्टीयोग असल्यास अशा स्त्रीया वाममार्गाला जाऊ शकतात.

जन्मकुंडलीच्या राशीमधील ग्रहा नुसार सामान्यतः माणसाचा स्वभाव ?भाग २

2008-05-21T09:26:00.003+05:30

( कुडंली दिसत नसल्यास वरील कुडंलीवर क्लिक करावे.)
आज पाहुया उर्वरीत भागातला- जन्मकुंडलीच्या राशीमधील ग्रहा नुसार सामान्यतः माणसाचा स्वभाव ?
कन्या राशीत ग्रह असल्यात माणसाचा स्वभाव चिकित्सक असुन कुठल्याही गोष्टीतील गुढ तत्व जाणुन घेण्याची तीव्र ईच्छा त्या लोकांना असते.
तुळ राशीत ग्रह असल्यात माणसाचा स्वभाव चांगले मिष्टांन खावेसे वाटते.चवदार भोजन व ऊत्कॄष्ट दर्जाचे भोजन आवडते.

वॄश्चिक राशीत ग्रह असल्यात माणसाचा स्वभाव कामप्रधान(विषयी) असतो.ह्या जातकात एखाद्या संबधी जर वैर भाव निर्माण झाल्यास कायम टिकु शकतो.

धनु राशीत ग्रह असल्यास माणसाचा स्वभाव म्हणजे हे माणस आपला मुद्दा हे सोडत नाही .थोडाक्यात ते हेकेखोर असतात self assertive उदा.मेरी मुर्गीकी एक ही टांग असा हट्टी स्वभाव त्यांचा असतो.

मकर राशीत ग्रह असल्यात माणसाचा स्वभाव ब-याचशा गोष्टी हसण्यावारी नेणारा असतो(laughing instinct).एखाद्या गोष्टींच्या किंवा माणसांच्या मागे लागल्यास त्याचा पिच्छा ते लवकर सोडत नाही.

कुंभ राशीत ग्रह असल्यात माणसाचा स्वभाव रचनात्मक (constructive nature) असतो.

मीन राशीत ग्रह असल्यात माणसाचा स्वभाव पळकपुटेपणा कडे नेणारा असतो .
वरील राशी मधील ग्रहाचा अनुभव केव्हा येतो? ज्यावेळी हे ग्रह जन्म लग्न घरात असतात किंवा लग्नेश हा ग्रह त्या त्या राशीत असतो.
उदा पहा.

सर्व नक्षत्र

2008-05-17T07:51:00.001+05:30

आज आपल्याला सर्व नक्षत्र तोंडी पाठ करावयाचे आहे हे लक्षात असु द्या.

एकुण नक्षत्र 27 आहेत पण ऊत्तराषाढा नक्षत्राचा काही भाग व श्रवण नक्षत्राचा काही भाग मिळुन‘अभिजित’ हे 28 वे नक्षत्र मानले जाते.परतुं काल निर्णय करतांना या नक्षत्रांचा विचार केलेला नाही.प्रत्येक नक्षत्र हे क्रांतीवॄत्तावर चंद्राला 13 डीग्री 20 मिनिटं जावयास जेवढा कालावधी लागतो तेवढा वेळ ते असते हे लक्षात ठेवा.

क्र. नक्षत्र नक्षत्राधिपती
1 अश्विनी केतू
2 भरणी शुक्र
3 कृतिका रवि
4 रोहिणी चंद्र
5 मृग मंगळ
6 आर्द्रा राहू
7 पुनर्वसू गुरु
8 पुष्य शनि
9 आश्लेषा बुध
10 मघा केतू
11 पुर्वा (पुर्वा फ़ाल्गुनी) शुक्र
12 उत्तरा ( उत्तरा फ़ाल्गुनी) रवि
13 हस्त चंद्र
नक्षत्रांचा अभ्यास करु पुढील भागात.
14 चित्रा मंगळ
15 स्वाती राहू
16 विशाखा गुरु
17 अनुराधा शनि
18 जेष्ठा बुध
19 मूळ केतू
20 पूर्वाषाढा शुक्र
21उत्तराषाढा रवि
22 श्रवण चंद्र
23 धनिष्ठा मंगळ
24 शततारका राहू
25 पूर्वा भाद्रपदा गुरु
26 उत्तरा भाद्रपदा शनि
27 रेवती बुध

कुंडलीतील कुठले स्थान काय दर्शविते

2008-05-17T07:44:00.001+05:30

ज्योतिषशास्त्र शिकण्यासाठी कुंडलीतील कुठले स्थान काय दर्शविते हे महत्वाचे आहे .त्याप्रमाणे या स्थानांचा आधार घेऊन आपल्याला भाकीत करावे लागते.

कुंडली कशी वाचाल? कुंडलीतील स्थान...खालील प्रमाणे आहेत

2008-05-17T07:40:00.001+05:30

कुंडलीतील स्थानांची ओळख

जन्मकुंडलीच्या राशीमधील ग्रहा नुसार सामान्यतः माणसाचा स्वभाव असतो

2008-05-16T09:16:00.001+05:30

अभ्यास करा: वरील कुडंलीतले प्रथम घराला जिथे 1आकडा आहे त्या स्थानाला लग्न स्थान असे म्हणतात हे स्थान लग्न घर म्हणुन ओळखले जाते. यात ज्यावेळेस जन्म झाला त्यावेळेच्या आकाशातल्या ग्रह गोलांच्या नकाशा नुसार लग्न घरातली राशी ह्या स्थानात येते.थोड्क्यात हे स्थान fix असते.जन्मवेळेनुसार प्रमाणे रास फ़क्त बदलत असते.वरील उदारणात मेष राशीचे
लग्न उदित आहे म्हण्जेच ज्योतिषाच्या भाषेत ही मेष लग्नाची कुडंली आहे.अशा बारा राशीच्या जन्मलग्न कुडंल्या तयार होतील कारण एका राशीचे जन्म लग्न हे जवळ्जवळ दोन तास ईदित असते म्हणजे अहोरात्री 24 तासात, 24/2 असे बारा लग्न उदित होतात.

******************************

जन्मकुंडलीच्या राशीमधील ग्रहा नुसार सामान्यतः माणसाचा स्वभाव असतो.
*मेष राशीत ग्रह असल्यात माणसाचा स्वभाव चटबट्या (fighting nature) असतो.
*वृषभ राशीत ग्रह असल्यात माणसाचा स्वभाव आज्ञापालन करणारा विनयशील(submissive )असतो.
*मिथुन राशीत ग्रह असल्यात माणसाचा स्वभाव दुस-याचा तिरस्कार करणारा (hating nature)असतो.
*कर्क राशीत ग्रह असल्यात माणसाचा स्वभाव भावनाप्रधान(emotional)असतो.
*सिंह राशीत ग्रह असल्यात माणसाचा स्वभाव कर्तबगार ,वस्तुंचा हव्यास असणारा (उदा.टीव्ही ,फ़्रिज हवेच(possessive) असतो पुढील भागात पाहुया 27 नक्षत्रांचा कुडलींतला प्रवास......त्याचे महत्व...

*कन्या राशी .....पुढील भागात पाहु...या!
त्यासाठी वाचत रहा....बना ऊत्कॄष्ट ज्योतिषी ...वाचा आणि शिका ......“भविष्याची गुरुकिल्ली”
या सर्दंभातआपले प्रश्न ,आपले अभिप्राय जरुर कळवा.

पंचमहाभुतांवरुन माणसाचा साधारणतः स्वभाव ,शरीर प्रकृती,बुध्दीमत्ता कशी समजते

2008-05-16T09:13:00.002+05:30

आज पंचमहाभुतांवरुन माणसाचा साधारणतः स्वभाव ,शरीर प्रकृती,बुध्दीमत्ता कशी समजते ते पाहु या
जन्मवेळेवर पुर्व दिशेला जी रास उदित असते तिला जन्मलग्न (Rising ascendentant)असे म्हणतात.
या लग्ना (Rising ascendentant )मध्ये जर अग्नितत्वाच्या या राशी उदित असल्यास त्या
माणसाने/जातकाने जगामध्ये Leadership मध्ये पुढाकार घ्यावा.Leadership करावी.
तसेच पृथ्वी तत्वाच्या 2,6,10 (वृषभ vrishbha Taures, कन्या kanny Virgo , मकर makar Capricorn पॄथ्वीराशी राशी)लग्ना उदित असल्यास त्या जातकाने व्यापार,शेती वगैरे उद्योग करावा.
तसेच या वायुराशी 3,7,11 मिथुन mithun Gemini ,तुळ tula Libra ,कुंभ kumbh Aquarius ) वायुराशी्चे लग्न उदित असल्यास त्या जातकाने नोकरी- सेवा(Job) करावी
तसेच या जलराशी 4,8,12( कर्क karkk Cancer , वॄश्चिक vrishikk Scorpio मीन meen Pisces जलराशीचे लग्न उदित असल्यास ज्ञानदानाचे कार्य करावे उदा.लेक्चरर ,टीचर ईत्यादी.
अग्निराशी 1,5,9 या राशी लग्नात उदित असल्यास माणसाची शारिरीक रोग प्रतिकार शक्ति चांगली असते.
पॄथ्वीराशी 2,6,10 या राशी लग्नात उदित असल्यास व वायुराशी 3,7,11 या राशी उदित असल्यास माणसाची रोगप्रतिकार शक्ति साधारण असते.
जलराशी 4,8,12 राशी लग्नात उदित असल्यास माणसाची शारिरीक प्रकृति कमकुवत असते व रोग प्रतिकारशक्ति कमी असुन साथीच्या रोगांना बळी पडातात.विषेशतः लहान मुलांना हा त्रास जास्त होतो.वरील तत्वांचा आपल्या जन्मकुंन्डलीत उपयोग करुन अभिप्राय जरुर कळवा.

************************************

2008-05-15T17:27:00.000+05:30

WEL -COME TO BHAVISHYCHI GURUKILLI

॥ ॐ श्री गणेशाय नम: ॥

प्रथम आपण राशी किती ते पाठ करा: 12 राशी क्रमानुसार पाठ करा:

राशी Rashi इंग्रजी नावे तत्व लक्षात ठेवा

1 मेष mesh Aries अग्निराशी 1

2 वृषभ vrishbh Taures पॄथ्वीराशी 2

3 मिथुन mithun Gemini वायुराशी 3

4 कर्क karkk Cancer जलराशी 4

5 सिंह shimh Leo अग्निराशी 5

6 कन्या kanny Virgo पॄथ्वीराशी 6

7 तुळ tula Libra वायुराशी 7

8 वॄश्चिक vrishikk Scorpio जलराशी 8

9 धनु dhanu Sagitrious अग्निराशी 9

10 मकर makar Capricorn पॄथ्वीराशी 10

11 कुंभ kumbh Aquarius वायुराशी 11

12 मीन meen Pisces जलराशी 12

अग्निराशी 1,5,9 पॄथ्वीराशी 2,6,10 वायुराशी 3,7,11 जलराशी 4,8,12
वरील पंचमहाभुतांवरुन माणसाचा साधारणतः स्वभाव ,शरीर प्रकृती,बुध्दीमत्ता समजते ते पाहु पुढील भागात